Яңалыклар (24.09.24)

Иртәнге чыгарылыш.

Татарстан Рәисе Рөстәм Миңнеханов Казанда «Татнефтехиминвест-холдинг» АҖ директорлар советының чираттагы утырышын уздырды.
Көннәр салкынаюга авырулар саны арта башлый.
27 сентябрьдә мәктәпкәчә белем бирү хезмәткәрләре көне билгеләп үтелә.

Көндезге чыгарылыш.

Казанда узачак БРИКС саммитына Куба делегациясе дә килер дип көтелә.  БРИКСка чакыру берникадәр вакыт элек Россия Президенты Владимир Путин тарафыннан Куба Президенты Мигель Диас-Канельгә җибәрелгән иде. Индонезиянең сайланган президенты һәм илнең хәзерге оборона министры Прабово Субианто Казанда узачак БРИКС саммитында катнашырга чакыру алган, әмма килү турында карар әлегә кабул ителмәгән.

Саба урман хуҗалыгында Беларусь Республикасы урман хуҗалыгы министры Александр Кулик җитәкчелегендәге делегация булып китте. Сәфәрнең төп максаты – Татарстанда урманнарны саклау һәм торгызу эшләренең барышы белән танышу иде.

М12 «Восток» автомобиль юлы ачылганнан соң, агымдагы елның язгы-җәйге чорында Татарстанга килүче автотуристлар саны 88% ка арткан. Ел ахырына кадәр республикада якынча 1 миллион кунак булырга мөмкин.

Кичке чыгарылышлар.

Татарстан Рәисе Рөстәм Миңнеханов Хөкүмәт йортында “Росгвардия” гаскәрләре федераль хезмәте директоры урынбасары – “Росгвардия” гаскәрләре башкомандующие Сергей Лебедев белән очрашты.Очрашуда республикада хокук тәртибен һәм иминлекне тәэмин итү, Росгвардиянең төбәк матди-техник базасын камилләштерү мәсьәләләре буенча фикер алыштылар.

Хөкүмәт Йортында Татарстан рәисе Рөстәм Миңнеханов Дәүләт теркәве, кадастр һәм картография федераль хезмәте җитәкчесе Олег Скуфинский белән очрашты. Төбәкара дәрәҗәдә дәүләт теркәве, кадастр һәм картография федераль хезмәте белән киләчәктә хезмәттәшлек итү мәсьәләләре каралды.

1 октябрьдән Казанда тугыз яңа муниципаль парковка эшли башлаячак. Алар Подлужная, Батурин, Чернышевский, Щапов һәм башка урамнарда барлыкка киләчәк.

Татарстан Рәисе Рөстәм Миңнеханов быелгы сезонда, барлык кыенлыкларга карамастан, республика игенчеләренә лаеклы уңыш үстерә алганнары өчен рәхмәт белдерде.  «Татарстанда 3 миллион 600 мең тоннадан артык икмәк суктырылган, уңдырышлылык гектардан 27,8 центнерны тәшкил итә!» – дип язган республика Рәисе телеграм-каналында.

Республика клиник хастаханәсе хезмәткәрләре Курск өлкәсе халкына ярдәм итәргә булган һәм бер көнлек хезмәт хакын зыян күргән кешеләргә җибәргән. Бу хакта Республика клиник хастаханәсе баш табибы Рафаэль Шәвәлиев белдерде.

1 октябрьдән Казанда тугыз яңа муниципаль парковка эшли башлаячак. Алар Подлужная, Батурин, Чернышевский, Щапов һәм башка урамнарда барлыкка киләчәк.

Нашли опечатку? Выделите фрагмент и отправьте нажатием Ctrl+Enter