Яңалыклар (23.09.24)

Иртәнге чыгарылыш.

Бу атнада җиденче чакырылыш Дәүләт Советының икенче һәм өченче утырышы була.
БРИКС саммиты алдыннан Иннополиста 26 һәм 27 сентябрьдә БРИКС илләре элемтә министрларының 10нчы очрашуы һәм БРИКС цифрлы форумы узачак.
Татарстанда яшәүче 7331 кеше ел башыннан Россия Социаль фонды бүлегеннән республика буенча шифаханә-курорт дәвалануына юллама алган.
“Казан” агросәнәгать паркында Татарстан муниципаль районнары һәм мәгариф оешмалары катнашында авыл хуҗалыгы продукциясе ярминкә-күргәзмәсе оештырыла.

Кичке чыгарылыш.

Татарстан Рәисе Рөстәм Миңнеханов Казанда «Татнефтехиминвест-холдинг» АҖ директорлар советының чираттагы утырышын уздырды.
Казан укытучылары «Иң яхшы туган тел һәм туган әдәбият укытучысы» Бөтенроссия конкурсының йомгаклау этабында иң яхшы катнашучылар рәтенә керде.
Казан үзмәшгульләренә шәһәрнең сәүдә үзәкләренең берсендәге ярминкәдә бушлай сәүдә урыннары бирелә.

Нашли опечатку? Выделите фрагмент и отправьте нажатием Ctrl+Enter