Яңалыклар (12.09.23)

Иртәнге чыгарылыш

Татарстан Премьер-министры Алексей Песошин рәислегендә «Челтәр компаниясе» акционерлык җәмгыяте Директорлар советы утырышы узды.
Республика халкы тарафыннан Курски өлкәсенә ярдәм чаралары дәвам итә.
Бу атнада авыл хуҗалыгы ярминкәлләре башланып китә.

Көндезге чыгарылыш

Татарстан Дәүләт Советы Рәисе Фәрит Мөхәммәтшин Бөтендөнья ислам лигасы генераль секретаре урынбасары Абдел-Рахман бин Абдулла Әл-Зәйд белән очрашты. Очрашу республика парламентында узды.

Татарстан Дәүләт Советы Рәисе, республика  Волейбол федерациясе президенты Фәрит Мөхәммәтшин «Динамо-Ак Барс» хатын-кызлар волейбол клубын Россия Суперкубогында җиңүе белән котлады.

Татарстанда «Фермер мәктәбе» белем бирү проекты сайлап алу конкурсында җиңүчеләр билгеләнде. Конкурста 22 муниципалитеттан 35 яшь фермер катнашкан. Шулар арасыннан 25 кеше «Кооперация» юнәлешендә, ә калганнары «Балыкчылык» юнәлешендә укыячак.

Кичке чыгарылышлар

БРИКС эшенә кушылу теләге турында инде 34 ил белдерде. Бу хакта Россия Президенты Владимир Путин БРИКС дәүләтләренең иминлек мәсьәләләре белән кураторлык итүче югары лидерлары белән очрашуда хәбәр итте. Очрашуда катнашучылар арасында БРИКСның тулы хокуклы яңа әгъзалары вәкилләре дә катнашты.

Татарстан Рәисе Рөстәм Миңнеханов үз телеграмм каналында “Динамо-Ак барс” хатын-кызлар волейбол клубын Россия Супер кубогын алуы белән котлады. Финалда Татарстан вәкилләре Мәскәүнең” Динамо” командасын җиңде.

Республикабыз игенчеләре 1 миллион 221 мең гектарда, ягьни барлык мәйданның 92 процентында ашлык җыеп алган. 3 миллион 452 мең тоннадан артык бөртек суктырылган. Иң күп уңыш Буа районы хуҗалыкларында җыелган – 170 мең тоннадан артык.

БРИКС эшенә кушылу теләге турында инде 34 ил белдерде. Бу хакта Россия Президенты Владимир Путин БРИКС дәүләтләренең иминлек мәсьәләләре белән кураторлык итүче югары лидерлары белән очрашуда хәбәр итте. Очрашуда катнашучылар арасында БРИКСның тулы хокуклы яңа әгъзалары вәкилләре дә катнашты.

Татарстан Рәисе Рөстәм Миңнеханов үз телеграмм каналында “Динамо-Ак барс” хатын-кызлар волейбол клубын Россия Супер кубогын алуы белән котлады. Финалда Татарстан вәкилләре Мәскәүнең” Динамо” командасын җиңде.

Казанда «Алтын мөнбәр» Халыкара кинофестивале җиңүчеләре һәм лауреатлары игълан ителде. Галиәсгар Камал исемендәге театрда узган фестивальнең ябылу тантанасында Дәүләт Советы Рәисе урынбасары Марат Әхмәтов катнашты. Ул традицион халыкара кинофорумның популярлыгы артуын билгеләп үтте.

Нашли опечатку? Выделите фрагмент и отправьте нажатием Ctrl+Enter