Яңалыклар (04.09.23)

Иртәнге чыгарылыш

Татарстан Премьер-министры Алексей Песошин  республика Рәисе Рөстәм Миңнеханов кушуы буенча Луганск Халык Республикасында булды, Рубежное һәм Лисичанск шәһәрләрендә үткәрелә торган торгызу эшләренең барышы белән танышты.

“Kазан Диджитал” форумы — Татарстанның традициончараларыныңберсе һәм республика өчен цифрлы үсешнең төп вакыйгасы, дип белдерде республика цифрлаштыру министры  Айрат Хәйруллин форумга әзерлек һәм аны уздыруга багышланган  брифингта.

8 сентябрьдә, җиденче чакырылыш Татарстан Дәүләт Советына һәм җирле органнарга депутатлар сайлау көнендә,  республикада гражданнарның сайлау хокукларын яклау мәсьәләләре буенча кайнар линия эшләячәк.

Кичке чыгарылыш

Татарстан Рәисе Рөстәм Миңнеханов җитәкчелегендәге делегация Владивостокта Көнчыгыш икътисадый форумында катнаша. Павильонда республикабыз стенды урнаштырылган.     Рөстәм Миңнеханов форумда Малайзия Премьер-министры Әнвәр Ибраһим белән очрашты.

Татарстан Рәисе Рөстәм Миңнеханов Азия-Тын Океан төбәге яшь дипломатларының V диалогында катнашучылар белән очрашты. Көнчыгыш икътисадый форум мәйданчыгында Кытай, Филиппин, Мьянма, Сингапур һәм Россия Федерациясеннән яшь дипломатлар тәкъдим ителде.

Татарстан рәисе Рөстәм Миңнеханов Көнчыгыш икътисадый форум кырларында «Дело» компанияләр төркеме директорлар Советы Рәисе Сергей Шишкарев белән очрашты. Рөстәм Миңнеханов Татарстанның тышкы икътисадый эшчәнлектә актив катнашуын ассызыклады.

Республикада 1 миллион гектардан артык мәйданда бөртек суктырылган, 2 миллион 928 мең тоннага якын ашлык җыеп алынган. Бер гектардан уртача 28,8 центнер бөртек чыга.

Нашли опечатку? Выделите фрагмент и отправьте нажатием Ctrl+Enter