Яңалыклар (30.08.23)

Иртәнге чыгарылыш

Бүген Татарстан Республикасы һәм Казан шәһәре көне. Шул уңайдан Республика Рәисе Рөстәм Миңнеханов Татарстан халкына  мөрәҗәгать белән чыкты.

Татарстан Республикасы Югары суды коллективына яңа рәисне тәкъдим иттеләр. Ул-элек Яшел Үзән шәһәр судын җитәкләгән Азат Гыйльметдинов. Тантаналы чарада Татарстан рәисе Рөстәм Миңнеханов, Россия Югары Суды Рәисе урынбасары Юрий Глазов катнашты.

Татарстан рәисе Рөстәм Миңнеханов һәм Татарстан Дәүләт Киңәшчесе Минтимер Шәймиев реставрацияләнгән «Әл-Мәрҗани» мәчетендә булдылар.АларныКазан мэры Илсур Метшин, Мәдәни мирас объектларын саклау буенча Республика Комитеты рәисе Иван Гущин, Татарстан  мөфтие Камил Сәмигуллин, «Әл-Мәрҗани» мәчете имам-хатыйбы Мансур Җәләлетдинов озатып йөрде.

Көндезге чыгарылыш

Татарстан Республикасы һәм Казан шәһәре көне уңаеннан Республика Рәисе Рөстәм Миңнеханов Татарстан халкына  мөрәҗәгать белән чыкты. Республика көне-күпмилләтле Татарстанда яшәүчеләрне берләштерүче иң кадерле бәйрәмнәрнең берсе. Бу хакта  Рөстәм Миңнеханов бәйрәм уңаеннан уздырылган тантаналы кабул итүдә белдерде. Анда Дәүләт Киңәшчесе Минтимер Шәймиев катнашты.

Махсус хәрби операциядә катнашучы якташларыбыз Республика һәм Казан шәһәре көне уңаеннан, видеокотлаулар яздырганнар. Котлауларга 1234 нче полк һәм Россия Герое Дамир Исламов исемендәге танк батальоны сугышчылары да кушылган.

Татарстан Республикасы көненә багышлап, Казан телевидение манарасында төрле төсләрдә республика флагы, гербы, бәйрәм белән котлау сүзләре яктыртыла.

   Кичке чыгарылыш

Бүген Казанда Социалистик Хезмәт Герое Илдус Шәйхелислам улы Мостюковка мемориаль такта ачылды. Татарстан Рәисе Рөстәм Миңнеханов видеоязмада «Елмай»  балалар паркының нинди булуын күрсәтте. Паркны Казанда Республика һәм шәһәр көне хөрмәтенә ачтылар.

Россия Федераль Җыенының Федерация Советы Рәисе Валентина Матвиенко Татарстан Рәисе Рөстәм Миңнехановны,  Дәүләт Советы Рәисе Фәрит Мөхәммәтшинны һәм төбәктә яшәүчеләрне Татарстан Республикасы көне белән котлады.

Казан Ратушасында Республика көнен һәм Казан көнен бәйрәм итү уңаеннан дәүләт бүләкләрен тапшыру тантанасы узды. Алдынгыларга бүләкләрне шәһәр мэры Илсур Метшин тапшырды.

Татарстан Республикасы һәм Казан шәһәре көненә багышланган чаралар дәвам итә. Бу минутларда башкала ипподромында Татарстан Рәисе призына ат чабышы ярышлары бара.

Нашли опечатку? Выделите фрагмент и отправьте нажатием Ctrl+Enter