Яңалыклар (21.08.23)

Иртәнге чыгарылыш

Татарстан Рәисе «Иннополис» МИЗ Күзәтүчеләр советының быелгы икенче утырышын уздырды.
Рөстәм Миңнеханов эш сәфәре кысаларында Самарада «ОДК-Кузнецов» җәмгыятендә булды.
Дәүләт Советы рәисе, «Бердәм Россия» Бөтенроссия сәяси партиясенең Татарстан төбәк бүлеге секретаре Фәрит Мөхәммәтшин видеоконференция режимында үткәрелгән селектор киңәшмәсендә катнашты.

Көндезге чыгарылыш

Татарстан Рәисе Рөстәм Миңнеханов Самарада төбәкнең татар милли-мәдәни автономиясе вәкилләре, Самара өлкәсе татарларының милли-мәдәни берләшмәләре вәкилләре белән очрашты.

Татарстан Республикасы белән Самара өлкәсе арасында сәүдә-икътисадый, фәнни — техник, социаль һәм мәдәни хезмәттәшлек турындагы килешүне гамәлгә ашыру буенча 2024-2027 елларга чаралар планы имзаланды.

Татарстан Премьер-министрының беренче урынбасары Рөстәм Нигъмәтуллин Гадәттән тыш хәлләрне булдырмау, янгын куркынычсызлыгын тәэмин итү комиссиясе утырышын уздырды. Хөкүмәт йортында узган очрашуда мәгариф объектларының яңа уку елына әзерлегенә багышланды.

Кичке чыгарылышлар

Татарстан Рәисе Рөстәм Миңнеханов Самарада төбәкнең татар милли-мәдәни автономиясе вәкилләре, Самара өлкәсе татарларының милли-мәдәни берләшмәләре вәкилләре белән очрашты.

Татарстан Республикасы белән Самара өлкәсе арасында сәүдә-икътисадый, фәнни — техник, социаль һәм мәдәни хезмәттәшлек турындагы килешүне гамәлгә ашыру буенча 2024-2027 елларга чаралар планы имзаланды.

«Идел-Пресс» нәшриятында VII чакырылыш республика Дәүләт Советына депутатлар сайлау, шулай ук 38 муниципаль районда җирле үзидарә органнарына депутатларын өстәмә сайлау өчен бюллетеньнәр бастыру тәмамланып килә. Бюллетеньнәр бастыруга 50 тоннадан артык кәгазь, 500 килограммнан артык буяу тотылачак.

Татарстанда контракт төзергә теләүчеләргә бер тапкыр бирелә торган арттырылган түләүләрне бирү вакыты озайтылды. Хәзер аның күләме илдә иң югарылардан санала – 1 миллион 700 мең сум.

Республикада Гражданлык җәмгыяте институтларын үстерүгә керткән өлеш өчен Татарстан Рәисе премиясенә гаризалар кабул итү башланды. Кампания 23 сентябрьгә кадәр дәвам итә, ә премияне Рөстәм Миңнеханов Халыклар бердәмлеге көне алдыннан тапшырачак.

25 августта күренекле татар драматургы, язучы, публицист Туфан Миңнуллинның тууына 89 ел була. Шул уңайдан «Шәрык клубы» «Туфан Миңнуллин эзләреннән» дип аталган чарага чакыра.

Нашли опечатку? Выделите фрагмент и отправьте нажатием Ctrl+Enter