Яңалыклар (20.08.23)

Иртәнге чыгарылыш

Татарстан Рәисе Рөстәм Миңнеханов Чаллыда Чаллыда «ТЭМПО» дәүләт компаниясендә булды. Ул Россия Федерациясе Сәнәгать һәм сәүдә министры урынбасары Альберт Кәримов белән җитештерү мәйданнарын карады.

Бөтендөнья гуманитар ярдәм көне алдыннан, «Бердәм Россия Яшь Гвардиясе» һәм Гомумроссия халык фронты активистлары хәйрия миссиясе белән Донецк Халык Республикасына китте. Сәфәрнең максаты – махсус хәрби операциядә катнашучы хәрбиләргә гуманитар йөк илтү.

Буа районы игенчеләре 70 мең тоннадан артык ашлык суктырып алды. Районда һәр гектардан уртача 31,7 центнер бөртек җыела. Татарстан хуҗалыкларында барлыгы 1 миллион 410 мең 741 тонна ашлык суктырылган, урак барлык мәйданның 35 процентында төгәлләнгән.

Көндезге чыгарылыш

Россия Президенты Владимир Путин Иран Ислам Республикасының яңа президенты МасудПезешкианга көзен Казанда узачак БРИКС саммитына рәсми чакыру җибәргән..

Татарстан Рәисе Рөстәм Миңнеханов Алабуга шәһәренең тарихи үзәгендәге берничә объектта булды.  Рөстәм Миңнехановка «XVIII-XIX гасырларда Икмәк мәйданы төзелеше» җирле әһәмияттәге мәдәни мирас объекты территориясендә реконструкцияләнгән объектлар һәм агымдагы проектлар турында мәгълүмат җиткерделәр.

Татарстан Премьер-министры урынбасары Роман Шәйхетдинов Иннополис Университетын тәмамлаучыларны котлады. Югары уку йорты Россиянең иң яхшы университетлары рейтингында — 29 нчы урынны, Россиянең инженер-техник югары уку йортлары рейтингында — 15 нче урынны, инженерлык фәннәре буенча Россия Югары уку йортлары арасында — 4 нче урынны били.

Кичке чыгарылышлар

Татарстан рәисе Рөстәм Миңнеханов хөкүмәт йортында Ислам Хезмәттәшлеге Оешмасы генераль секретареның гуманитар, мәдәни һәм социаль мәсьәләләр буенча урынбасары Тариг Али Бахит белән очрашты.

Татарстан Рәисе Рөстәм Миңнеханов «Иннополис» махсус иктисади зонасы Күзәтүчеләр советының быелгы икенче утырышын уздырды. Анда инвестицияләрнең гомуми күләме 7 миллиард 600 миллион сумлык 9 югары технологияле проект каралды.

Курский өлкәсе интернат-йортларыннан Татарстанга эвакуацияләнгән кешеләрне Лениногорский һәм Нурлат районнарының стационар социаль хезмәт күрсәтү учреждениеләренә урнаштырганнар. Бу хакта республиканың хезмәт, мәшгульлек һәм социаль яклау министры Эльмира Зарипова белдерде.

Татарстан Рәисе «Иннополис» МИЗ Күзәтүчеләр советының быелгы икенче утырышын уздырды.
Рөстәм Миңнеханов эш сәфәре кысаларында Самарада «ОДК-Кузнецов» җәмгыятендә булды.
Дәүләт Советы рәисе, «Бердәм Россия» Бөтенроссия сәяси партиясенең Татарстан төбәк бүлеге секретаре Фәрит Мөхәммәтшин видеоконференция режимында үткәрелгән селектор киңәшмәсендә катнашты.

Нашли опечатку? Выделите фрагмент и отправьте нажатием Ctrl+Enter