Яңалыклар (05.08.24)

Иртәнге чыгарылыш

2024 елның алты ае нәтиҗәләре буенча Татарстаннан хәләл продукция экспорты күләме 8 миллион долларга җиткән, бу 2023 елның шул ук чоры белән чагыштырганда 39 процентка күбрәк. Республикада бу продукцияне экспортлау буенча эшчәнлекне 20дән артык компания алып бара.

Әлмәттә «Музей атнасы» проекты буенча вакытлы экспозиция ачылды. Аны махсус хәрби операция вакытында һәлак булган хәрбиләргә багышладылар. Проектта 13 гаилә катнашты.

21-25 августта Казанда IX Бөтендөнья татар яшьләре форумы узачак. Анда 25 чит илдән, Россия Федерациясе төбәкләреннән һәм Татарстаннан 600гә якын татар яшьләре катнашыр дип көтелә.

Кичке чыгарылыш

Республикада бөртекле культуралар барлык мәйданның 19 процентында суктырылган. Бу 249 мең гектарга якын. 789 мең 980 тонна ашлык җыеп алынган. Республика буенча уртача уңыш — гектардан 31,7 центнер.

Чаллыдагы алгарыш үсеш территориясендә быел дүрт яңа предприятие ачыла. Аларны төзүгә инвестицияләрнеңгомумикүләме2 млрд сумга якын.

Татарстанда М12 «Восток» түләүле автомобиль юлы уза торган төбәкләрдән килгән автомобильләр саны көннән-көн арта. Шулай ук ерак, төньяк-көнбатыш төбәкләрдән дә машиналар күбәйде, аннан Татарстанга килүче туристлар саны да артты. Бу хакта Татарстан Туризм буенча дәүләт комитеты рәисе Сергей Иванов хәбәр итте.

Татарстанда 1 июльдән торак-коммуналь хуҗалык өчен тарифлар 10,8 процентка арткан. Бу санны Тарифлар буенча Дәүләт комитеты рәисе Александр Груничев республика Министрлар Кабинетында узган брифингта атады.

Нашли опечатку? Выделите фрагмент и отправьте нажатием Ctrl+Enter