Яңалыклар (30.07.24)

Иртәнге чыгарылыш

Россия Федерациясе Президенты Владимир Путин Иранның сайланган президенты Мәсуд Пезешкиан белән очрашырга әзерләнә.Алар Казанда октябрь аенда БРИКС саммиты башлангач күрешергә җыеналар.

Татарстан Рәисе Рөстәм Миңнеханов үз телеграмм каналында      Россия Герое Дамир Исламов исемендәге танк батальоны, Сабир Әхтәмов исемендәге мотоукчылар батальоны һәм 430 нчы полк хәрбиләренә республика дәүләт бүләкләрен тапшыру тантанасыннан видеоязма урнаштырган.

Татарстан башкаласында алты җәмәгать киңлеген төзекләндерүгә быел 682 миллион сумнан артык акча бүлеп бирелгән. Бу парклар һәм скверларны яңарту «Торак һәм шәһәр мохите» илкүләм проекты ярдәмендә мөмкин булды.

Көндезге чыгарылыш

2023 елның 21 декабрендә ачылган М12 «Восток» түләүле юлы буенча сәфәрләр саны 15 миллионга җиткән. Бу хакта Россия вице-премьеры Марат Хөснуллин  телеграмм каналында хәбәр итте.

Кичә  Вогоград өлкәсендә Казан – Адлер поезды һәлакәте нәтиҗәсендә, Татарстаннан  19 кеше медицина ярдәме сорап мөрәҗәгать иткән, шуларның 7се  — балалар. Табиблар барлык кирәкле ярдәмне тулы күләмдә күрсәтә.

Татарстанда шәһәр тибындагы поселок нигезендә төзелгән, муниципаль районнарның административ үзәкләре булмаган авыл җирлекләренә грантлар бирү шартлары үзгәрде. Татарстан  Министрлар Кабинетының тиешле карарына республика Премьер-министры Алексей Песошин кул куйды.

Кичке чыгарылышлар

Татарстан рәисе Рөстәм Миңнеханов Форостагы «Сәләт-Ак Барс» лагеренда булып, балаларның ялын оештыру шартларын тикшерде. Хәзер лагерьда профильле сменаларда Татарстаннан 237, Кырым Республикасыннан 60 бала ял итә.

Быел Татарстанда Бердәм Дәүләт имтиханнары барышында 342 чыгарылыш сыйныф укучысы берәр фәнне 100 баллга тапшырган. Бу хакта республика Министрлар Кабинетында узган брифингта  Мәгариф һәм фән министры Илсур Һадиуллин хәбәр итте. Министр Казан, Чаллы, Түбән Кама, Әлмәт, Зеленодольск, Бөгелмә, Лениногорск һәм Чистай муниципаль районнары укучыларының уңышларын аерым билгеләп үтте.

Татарстанда шәһәр тибындагы поселок нигезендә төзелгән, муниципаль районнарның административ үзәкләре булмаган авыл җирлекләренә грантлар бирү шартлары үзгәрде. Татарстан  Министрлар Кабинетының тиешле карарына республика Премьер-министры Алексей Песошин кул куйды.

Татарстан рәисе Рөстәм Миңнеханов Форостагы «Сәләт-Ак Барс» лагеренда булып, балаларның ялын оештыру шартларын тикшерде. Хәзер лагерьда профильле сменаларда Татарстаннан 237, Кырым Республикасыннан 60 бала ял итә.

Быел Татарстанда Бердәм Дәүләт имтиханнары барышында 342 чыгарылыш сыйныф укучысы берәр фәнне 100 баллга тапшырган. Бу хакта республика Министрлар Кабинетында узган брифингта  Мәгариф һәм фән министры Илсур Һадиуллин хәбәр итте. Министр Казан, Чаллы, Түбән Кама, Әлмәт, Зеленодольск, Бөгелмә, Лениногорск һәм Чистай муниципаль районнары укучыларының уңышларын аерым билгеләп үтте.

Республикада 165 мең 202 гектарда ашлык җыеп алынган, 550 мең 284 тонна бөртек суктырылган. Һәр гектардан уртача 33,3 центнер уңыш чыга.

Нашли опечатку? Выделите фрагмент и отправьте нажатием Ctrl+Enter