Яңалыклар (29.07.24)

Иртәнге чыгарылыш

Татарстанда яшәүчеләр җиденче чакырылыш Дәүләт Советына сайлауларда тавыш бирү өчен «Мобиль сайлаучы» механизмыннан файдалана алачак. Республикада яшәүчеләр 4 сентябрьгә кадәр территория сайлау комиссиясенә, күп функцияле үзәкләргә мөрәҗәгать итә яки «Дәүләт хезмәтләре» порталында гариза калдыра ала.

Казанның Мәскәү районында «Благородие» хәйрия проектының пункты ачылды. Биредә мохтаҗларга бушлай әйберләр, өс һәм аяк киемнәре, көнкүреш техникасы калдырырга була,

«Апуш» татар балалар театр студиясе өстәмә кастинг игълан итә. Кастинг 27 августта «Сәйдәш» мәдәният үзәгендә үтәчәк. Аның нәтиҗәләре буенча Казандагы «Сәйдәш», «Чулпан» мәдәният үзәкләрендә һәм Ленин исемендәге мәдәният йортында шөгыльләнүче төркемнәргә өстәмә 15әр бала сайланып алына.

    Кичке чыгарылыш

РоссияФедерациясеПрезидентыВладимир ПутинИранның сайланган президенты Мәсуд Пезешкиан белән очрашырга әзерләнә.Алар Казанда октябрь аенда БРИКС саммиты башлангач күрешергә җыеналар.

Татарстан Рәисе Рөстәм Миңнеханов үз телеграмм каналында      Россия Герое Дамир Исламов исемендәге танк батальоны, Сабир Әхтәмов исемендәге мотоукчылар батальоны һәм 430 нчы полк хәрбиләренә республика дәүләт бүләкләрен тапшыру тантанасыннан видеоязма урнаштырган.

Татарстан башкаласында алты җәмәгать киңлеген төзекләндерүгә быел 682 миллион сумнан артык акча бүлеп бирелгән. Бу парклар һәм скверларны яңарту «Торак һәм шәһәр мохите» илкүләм проекты ярдәмендә мөмкин булды.

Нашли опечатку? Выделите фрагмент и отправьте нажатием Ctrl+Enter