Яңалыклар (26.07.24)

Иртәнге чыгарылыш

Республикада 70 мең 227 гектарда ашлык җыеп алынган, 234 мең 434 тонна бөртек суктырылган. Һәр гектардан уртача 33,4 центнер уңыш чыга.

2024 елда Татарстан сәламәтлек саклау министрлыгы республикада яшәүче 1 миллион 200 мең кешене диспансерлаштырырга җыена. Бу хакта  сәламәтлек саклау министры Марсель Миңнуллин «Сәламәтлек саклау» илкүләм проектын гамәлгә ашыруга багышланган матбугат конференциясендә хәбәр итте.

Татарстан Россиядә ислам финансларын үстерүнең иң зур үзәге булып тора. Бу хакта республика мөфтие Камил хәзрәт Сәмигуллин БРИКС илләре дин әһелләренең «Рухи Ефәк юлы: Зур Евразия киңлегендә дини кыйммәтләрнең әһәмияте» дигән Халыкара фәнни-дини конференциясендә белдерде.

Көндезге чыгарылыш

Татарстан рәисе Рөстәм Миңнеханов Иран Ислам Республикасы Конституциясен яклау Советы һәм экспертлар Советы җитәкчесе  Алиреза Арафи, шулай ук Сенегалның Sifi (СИФИ) компанияләр төркеме президенты Абдеррахман Ндиае белән очрашты.

Татарстанда өч сәяси партиянең төбәк бүлекләре тарафыннан күрсәтелгән Дәүләт Советына депутатлыкка кандидатларның исемлекләре теркәлде. Республика Үзәк сайлау комиссиясе утырышында шул хакта карар кабул ителде.

Татарстанда «Татар халкының милли үзенчәлеген саклау» программасы тагын бер елга озайтылды. Республика Премьер-министры Алексей Песошин шул хактагы карарны имзалады.

Кичке чыгарылышлар  

Татарстан Рәисе Рөстәм Миңнеханов финанс, казначылык һәм салым органнары вәкилләренең республика киңәшмәсен уздырды. Анда быелның 1 яртыеллыгында республиканың берләштерелгән бюджеты үтәлеше йомгаклары каралды.

Татарстанда өч сәяси партиянең төбәк бүлекләре тарафыннан күрсәтелгән Дәүләт Советына депутатлыкка кандидатларның исемлекләре теркәлде. Республика Үзәк сайлау комиссиясе утырышында шул хакта карар кабул ителде.

Татарстан Милли китапханәсендә БРИКС илләре мөселман яшьләренең форумы узды. Ул Изге Коръән премиясе чаралары программасының дәвамы булды. Бүген  Казанда Изге Коръән премиясен ябу тантанасы да үткәрелә.

Татарстан Рәисе Рөстәм Миңнеханов финанс, казначылык һәм салым органнары вәкилләренең республика киңәшмәсен уздырды. Анда быелның 1 яртыеллыгында республиканың берләштерелгән бюджеты үтәлеше йомгаклары каралды. Татарстан Рәисе шулай ук «Татнефтехиминвест-холдинг»  акционерлык җәмгыяте Директорлар советының чираттагы утырышын уздырды.

Татарстан ДәүләтСоветыРәисеФәритМөхәммәтшин видеоэлемтә аша РоссияЗакон чыгаручылар СоветыПрезидиумыутырышындакатнашты. Ил үсеше стратегиясен эшләү, югары белем бирү системасын камилләштерү мәсьәләләребуенча фикер алышынды, «Россия Федерациясендә  нотариаль эшчәнлек турында» Федераль закон проектының төп тезислары тыңланды.

Татарстанда өч сәяси партиянең төбәк бүлекләре тарафыннан күрсәтелгән Дәүләт Советына депутатлыкка кандидатларның исемлекләре теркәлде. Республика Үзәк сайлау комиссиясе утырышында шул хакта карар кабул ителде.

Нашли опечатку? Выделите фрагмент и отправьте нажатием Ctrl+Enter