Яңалыклар (18.07.24)

Иртәнге чыгарылыш

Татарстанның 13 районында бөртекле культураларны урып-җыюга керештеләр. 22 мең тонна ашлык җыеп алынган инде, гектарыннан уртача 35 центнер уңыш җыела.

Казанда ел саен метро үсешенә 1 млрд сум акча бирергә җыеналар. Бу турыда Татарстан Министрлар Кабинеты карарында әйтелә. Документта акчалар 2024, 2025, 2026 һәм 2027 елларда республика бюджетыннан биреләчәк диелә.

28-30 августта Казанда «Казан сөлгесе» IX Халыкара җыр-бию сәнгате фестивале уздырыла.  Әлеге чараның үзенчәлеге шунда: фестивльдә үзешчән сәнгать осталары, профессиональ артистлар, студентлар һәм иҗади уку йортларын тәмамлаучылар катнаша ала.

Көндезге чыгарылыш

Республиканың коммерцияле булмаган социаль юнәлешле оешмаларга ярдәм итү буенча ресурс үзәге Татарстан Рәисенең 2024 елда гражданнар җәмгыятен үстерүгә грантлары конкурсын игълан итте – конкурсның гомуми бюджеты 159 миллион 676 мең сумнан артык.

“Бердәм Россия” партиясе Федераль штабында мәгариф учреждениеләрен капиталь ремонтлау һәм төзү программалары, мәктәпләр, балалар бакчаларының яңа уку елына әзерлеге буенча  төбәкләр вәкилләре белән утырыш узды. Татарстан Дәүләт Советы Рәисе, «Бердәм Россия» партиясенең төбәк бүлеге секретаре Фәрит Мөхәммәтшин мәгариф учреждениеләрен капиталь ремонтлау һәм төзү буенча Россия Президенты программаларын гамәлгә ашыруның барышы турында сөйләде.

Кытайның Хунань провинциясе белән Татарстан арасында икътисади хезмәттәшлек буенча конференция узды. Чара төрле предприятиеләрнең вәкилләрен җыйды, алар киләчәктә хезмәттәшлек итү турында сөйләшүләр алып барды.

Кичке чыгарылышлар

Татарстанның күпчелек районнарында бөртекле культураларны урып-җыюга керештеләр. 11 мең 900 гектарга якын имәйданда ашлык җыеп алынган, һәр гектардан уртача 35,4 центнер уңыш чыга.

Республиканың коммерцияле булмаган социаль юнәлешле оешмаларга ярдәм итү буенча ресурс үзәге Татарстан Рәисенең 2024 елда гражданнар җәмгыятен үстерүгә грантлары конкурсын игълан итте – конкурсның гомуми бюджеты 159 миллион 676 мең сумнан артык.

Кытайның Хунань провинциясе белән Татарстан арасында икътисади хезмәттәшлек буенча конференция узды. Чара төрле предприятиеләрнең вәкилләрен җыйды, алар киләчәктә хезмәттәшлек итү турында сөйләшүләр алып барды.

Татарстанда 3 миллионга якын кеше актив сайлау хокукына ия

Татарстанда быел терлек өчен ел ярымлык азык запасын формалаштыру планлаштырыла

Укучылар арасында үткәрелгән «Тархан» тарихи-мәдәни бәйгенең өченче сезоны тәмамланды

Нашли опечатку? Выделите фрагмент и отправьте нажатием Ctrl+Enter