Яңалыклар (12.07.24)

Иртәнге чыгарылыш

Алтынчы чакырылыш Татарстан Дәүләт Советының  55 нче  утырышында депутатлар 26 мәсьәләне, шул исәптән 10 республика законы проектын һәм 7 федераль закон проектын тикшерде. Алтынчы чакырылыш Дәүләт Советы эшчәнлегенә йомгакны  парламент рәисе Фәрит Мөхәммәтшин ясады.

Татарстан Рәисе Рөстәм Миңнеханов хөкүмәт йортында Росатом дәүләт корпорациясенең фәнни-техник блогы җитәкчелеге белән очрашты.      Очрашуда киләчәктә хезмәттәшлек итү мәсьәләләре, шул исәптән аддитив технологияләрне үстерү буенча фикер алышынды.

Россия Герое, «Кыш бабай» танкы командиры Рәсим Баксиков «Җиңү армиясенә кушыл!» телемарафонында катнашачак. Марафон 15 июльдә «Татарстан – Яңа гасыр» телеканалында иртәнге сәгать сигездә башланып, кичке сигезгә кадәр дәвам итә.

  Көндезге чыгарылыш

Россия Кытай Халык Республикасы Рәисе Си Цзиньпинны 22-24 октябрьдә Казанда узачак БРИКС саммитында көтә. Россия Президенты Владимир Путин Бөтенкытай халык вәкилләре җыелышы Даими комитеты Рәисе Чжао Лэцзи белән очрашуда шулай дип белдерде.

Бүген Татарстан Рәисе Рөстәм Миңнеханов һәм Россия Федерациясе энергетика министры Сергей Цивилев Әлмәттә республика нефть саммитында катнаша. Башта алар югары нефть мәктәбе кампусындагы балалар бакчасын карадылар,  югары нефть мәктәбе студентларының яшәү шартлары белән таныштылар.

Татарстан Дәүләт Киңәшчесе Минтимер Шәймиев дәүләт эшлеклесе, Россия Президентыың 90 нчы еллардагы беркетмәләрне теркәү хезмәте җитәкчесе,  2000-2011 нче елларда Россия Президентының киңәшчесе булып эшләгән Владимир Шевченко белән очрашты. Минтимер Шәймиев Владимир Шевченкога Татарстан Республикасының дәүләт бүләген – «ТАССР төзелүгә 100 ел» медален тапшырды.

Кичке чыгарылышлар

Бүген Татарстан Рәисе Рөстәм Миңнеханов һәм Россия Федерациясе энергетика министры Сергей Цивилев Әлмәттә Татарстан Нефть саммитының пленар утырышында катнаштылар. Утырыш Россиянең ягулык-энергетика комплексын 2050 елга кадәр үстерү темасына багышланды. Башта алар югары нефть мәктәбе кампусындагы балалар бакчасын карадылар,  югары нефть мәктәбе студентларының яшәү шартлары белән таныштылар.

Бүген Әлмәт районының «Кояшлы» балалар сәламәтләндерү лагеренда яшь геологларның X республика ачык кыр олимпиадасын ачу тантанасы булды. Олимпиаданы Татарстан Мәгариф һәм фән министры Илсур Һадиуллин ачты.

Чүпрәле районыннан махсус операция зонасындагы хәрбиләргә шефлык ярдәмен илтеп тапшырдылар. Чүпрәле халкы, районнан читтә яшәүче якташлары, оешма вәкилләре, хуҗалык җитәкчеләре, эшмәкәрләр 4 миллион 200 мең сумга 10 тоннага якын товар җыйган.

Бүген Татарстан Рәисе Рөстәм Миңнеханов һәм Россия Федерациясе энергетика министры Сергей Цивилев Әлмәттә Татарстан Нефть саммитының пленар утырышында катнаштылар. Утырыш Россиянең ягулык-энергетика комплексын 2050 елга кадәр үстерү темасына багышланды. Башта алар югары нефть мәктәбе кампусындагы балалар бакчасын карадылар,  югары нефть мәктәбе студентларының яшәү шартлары белән таныштылар.

Бүген Әлмәт районының «Кояшлы» балалар сәламәтләндерү лагеренда яшь геологларның X республика ачык кыр олимпиадасын ачу тантанасы булды. Олимпиаданы Татарстан Мәгариф һәм фән министры Илсур Һадиуллин ачты.

Бүген Татарстан Дәүләт Советы Рәисе Фәрит Мөхәммәтшин журналистлар өчен матбугат конференциясен үткәрде. Ул алтынчы чакырылыш парламентның эш йомгаклары, җиденче чакырылыш Дәүләт Советы депутатларын сайлауларга әзерлек мәсьәләләре турында сөйләде.

Нашли опечатку? Выделите фрагмент и отправьте нажатием Ctrl+Enter