Яңалыклар (11.07.24)

Иртәнге чыгарылыш

Россия Президенты Владимир Путин күрсәтмәсе белән яңа өйләрдән фатир сатып алганда яки шәхси торак йорт төзегәндә 6 процент ставканы күздә тоткан «Гаилә ипотекасы» программасы  2030 елга кадәр озайтылды.

Хәзерге шартлар бөтен гражданнар оборонасы системасына яңача карашны таләп итә.  Бу хакта Татарстан Рәисе Рөстәм Миңнеханов Казанда БРИКС илләренең Гадәттән тыш ведомстволары җитәкчеләре киңәшмәсен ачуда белдерде. Киңәшмәдә Россиянең Гражданнар оборонасы, гадәттән тыш хәлләр һәм табигать бәла-казалары нәтиҗәләрен бетерү министры Александр Куренков катнашты.

Бүген алтынчы чакырылыш Татарстан Дәүләт Советының  55 нче йомгаклау утырышы була. Депутатлар 26 мәсьәләне, шул исәптән 10 республика законы проектын һәм 7 федераль закон проектын караячак.

   Көндезге чыгарылыш

Татарстан Рәисе Рөстәм Миңнеханов Кремльдә Россиянең Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министры Александр Куренков белән очрашты.  Әңгәмәдә Татарстан янгын-коткару гарнизонының агымдагы эшчәнлеге, шулай ук республикада гадәттән тыш хәлләрне кисәтү һәм бетерү системасын камилләштерүгә бәйле мәсьәләләр турында фикер алышынды.

Татарстан Рәисе Рөстәм Миңнеханов Кремльдә Каракалпакстан Республикасы парламенты Рәисе Аманбай Орынбаев белән очрашты. Ике республика арасында хекзмәттәшлекне үстерү перспективалары тикшерелде.

Бу минутларда алтынчы чакырылыш Татарстан Дәүләт Советының  55 нче йомгаклау утырышы дәвам итә.  Депутатлар 26 мәсьәләне, шул исәптән 10 республика законы проектын һәм 7 федераль закон проектын тикшерә.

Нашли опечатку? Выделите фрагмент и отправьте нажатием Ctrl+Enter