Яңалыклар (09.07.24)

Иртәнге чыгарылыш

-Татарстан Рәисе Рөстәм Миңнеханов Екатеринбургта узучы «Иннопром-2024» халыкара сәнәгать күргәзмәсе чараларында катнашты.
-Татарстан Хөкүмәте РФ Кораллы көчләре белән контракт имзаларга теләгән гражданнар өчен бер тапкыр бирелә торган акчаны арттырырга карар кылды.
-13 июль Мамадыш районы Җөри авылы «Тырлау» аланында керәшеннәрнең республикакүләм «Питрау» бәйрәме үтәчәк.

Көндезге чыгарылыш

Татарстан Министрлар Кабинетында узган брифингта 2019 елдан бирле республиканың Архив эше буенча дәүләт комитеты тарафыннан уздырыла торган «Тарихта без эзлебез» дигән шәҗәрәләр фестиваленең әһәмияте турында сөйләделәр.

Болгар шәһәрендә «Мөмкинлек» дигән яшьләр форумы тәмамланды. Аны «Татарстан – яңа гасыр» республика иҗтимагый хәрәкәте оештырган иде. Форумда катнашучылар һәм хәрәкәт активистлары белән Дәүләт Советы Рәисе Фәрит Мөхәммәтшин очрашты.

Республика Дәүләт Советында Татарстанда Россия Федерациясе дәүләт программаларын, транспорт һәм юл хуҗалыгы өлкәсендәге федераль максатчан программаларны гамәлгә ашыру мәсьәләләре буенча  утырыш узды.  Утырышны  Федераль Җыенның Федерация Советы Регламент һәм парламент эшчәнлеген оештыру комитеты рәисе урынбасары Александр Терентьев үткәрде.

Кичке чыгарылыш

Россия Президенты Владимир Путин Һиндстан Премьер-министры Нарендра Модины Казанга октябрьдә БРИКС саммитына чакырды. Бу хакта ул Мәскәүдә сөйләшүләрдә белдерде.

Иртәгә«Казан Экспо» үзәгендә төзелеш-бизәү материаллары, технологияләре һәм җиһазлары халыкара махсуслаштырылган күргәзмәсе ачыла. Анда Россиянең14төбәге, Татарстанныңҗидешәһәре предприятиеләре үз товарларын тәкъдим итәчәк.

15 июльдә республикада “Җиңү Армиясенә кушыл!” дигән телемарафон үткәрелә. Телемарафон иртәнге сәгать сигездән кичке сигезгә кадәр дәвам итә. Экспертлар  контракт буенча хезмәт итү шартлары, ташламалар белән таныштырачак.

Нашли опечатку? Выделите фрагмент и отправьте нажатием Ctrl+Enter