Яңалыклар (05.07.24)

 Иртәнге чыгарылыш

Татарстан авыл хезмәтчәннәре илнең азык-төлек куркынычсызлыгын тәэмин итү буенча Россия җитәкчелеге куйган бурычларны хәл итүгә әһәмиятле өлеш кертәләр. Бу хакта Татарстан Рәисе Рөстәм Миңнеханов «Агроволга» халыкара агросәнәгать күргәзмәсендә белдерде.

Алтынчы чакырылыш Татарстан Дәүләт Советының  соңгы 55 нче утырышы 11 июльдә була. Парламент Президиумы утырышында шундый карар чыгарылды.

«КАМАЗ-мастер» командасының биш экипажы 5-15 июльдә узачак «Ефәк юлы-2024” халыкара ралли-марафонында катнаша. «КАМАЗ-Мастер” командасы — илебез автоспорты лидеры, дөнья күләмендә илне уңышлы тәкъдим итүче бердәнбер завод командасы.

Көндезге чыгарылыш  

Мәскәү Кремлендә муниципаль хезмәткәрләрне бүләкләү тантанасы узды. Бүләкләнүчеләр арасында Чаллы мэры Наил Мәһдиев та бар. Россия Президенты хакимияте башлыгы урынбасары Сергей Кириенко аңа «Дуслык» орденын тапшырды.

Татарстан делегациясенең Үзбәкстан вәкилләре белән очрашуында кадрлар әзерләү, яшьләрне эшкә урнаштыру, белем бирү учреждениеләренең филиалларын оештыру мәсьәләләре хакында фикер алыштылар.  Үзбәкстан Республикасы Хезмәт миграциясе мәсьәләләре агентлыгы белән ике яклы килешүләр төзелде.

Яңа уку елында «Мәгариф» илкүләм  проекты буенча башкалабызның М14 микрорайонында 1224 урынга исәпләнгән «Гаилә» дип исемле 133 нче лицей ачыла.

Кичке чыгарылыш

Татарстан Рәисе Рөстәм Миңнеханов Кукмара районында капиталь төзекләндерелгән «Сосенка» балаларны савыктыру лагеренда булды. Шулай ук ул Кукмара районында  терлекчелек өлкәсендә инвестиция проектларын гамәлгә ашыру белән танышты, авыл хуҗалыгы хезмәткәрләре белән очрашты.

Татарстан Үзәк сайлау комиссиясенең чираттагы утырышында VII чакырылыш Татарстан Дәүләт Советына кандидатлар тәкъдим итү өчен кирәкле барлык документларны тәкъдим иткән берничә сәяси партия исемлеге расланды. 5 июльгә дүрт партиянең төбәк бүлекчәләренең вәкаләтле вәкилләре тиешле документларны тапшырган.

Бүген Марий Эл Республикасы башкаласы Йошкар-Олада 24 Федераль Сабантуй чаралары башланды. Милли бәйрәмгә Россия Федерациясенең төрле төбәкләреннән кунаклар килде.

Нашли опечатку? Выделите фрагмент и отправьте нажатием Ctrl+Enter