Яңалыклар (03.07.24)

Көндезге чыгарылыш

Бүген Казанда Россия авыл хуҗалыгы өчен мөһим вакыйга – “Агроволга” Халыкара агросәнәгать күргәзмәсе ачылды. “Казан Экспо” Халыкара күргәзмәләр үзәге территориясендә масштаблы экспозиция әзерләнде, эшлекле форум да узачак.

“Бердәм Россия” партиясе рәисенең Татарстандагы төбәк бүлеге иҗтимагый кабул итү бүлмәсе һәм җирле кабул итү бүлмәләре 2008 елда 45 районда ачылган иде. 16 елда аларга гражданнардан 300 меңнән артык мөрәҗәгать кергән, шуларның 63 проценттан артыгы уңай чишелеш тапкан.

Казан федераль университетында Төньяк-Көнчыгыш университеты үткәргән туган телләр буенча олимпиада җиңүчеләрен бүләкләделәр. Парламент исеменнән җиңүчеләрне Татарстан Дәүләт Советы Рәисе урынбасары, республика Рәисе каршындагы Татар телен һәм Татарстан республикасында яшәүче халыкларның телләрен саклау һәм үстерү мәсьәләләре комиссиясе рәисе Марат Әхмәтов котлады.

Кичке чыгарылышлар

Татарстан Рәисе Рөстәм Миңнеханов хөкүмәт йортында Вьетнам Социалистик Республикасының Екатеринбургтагы Генераль консулы Динь Ван Донг әфәнде белән очрашты. Очрашуда Россия-Вьетнам дустанә мөнәсәбәтләре нигезендә Татарстан белән Вьетнам арасында хезмәттәшлекне үстерү юнәлешләре тикшерелде.

Казанда «Татарстан – яңа гасыр» республика иҗтимагый хәрәкәтенең Югары Советы утырышы узды.  Утырышта республика Дәүләт Киңәшчесе Минтимер Шәймиев, Дәүләт Советы Рәисе, хәрәкәтнең Югары Советы җитәкчесе Фәрит Мөхәммәтшин катнашты. Анда республикада фәнни-технологик үсеш дәүләт программасын үтәү мәсьәләләре дә каралды.

Бүген Казанда Россия авыл хуҗалыгы өчен мөһим вакыйга – “Агроволга” Халыкара агросәнәгать күргәзмәсе ачылды. “Казан Экспо” Халыкара күргәзмәләр үзәге территориясендә масштаблы экспозиция әзерләнде, эшлекле форум да узачак.

Татарстан Рәисе Рөстәм Миңнеханов хөкүмәт йортында Вьетнам Социалистик Республикасының Екатеринбургтагы Генераль консулы Динь Ван Донг әфәнде белән очрашты. Очрашуда Россия-Вьетнам дустанә мөнәсәбәтләре нигезендә Татарстан белән Вьетнам арасында хезмәттәшлекне үстерү юнәлешләре тикшерелде.

Казанда «Татарстан – яңа гасыр» республика иҗтимагый хәрәкәтенең Югары Советы утырышы узды.  Утырышта республика Дәүләт Киңәшчесе Минтимер Шәймиев, Дәүләт Советы Рәисе, хәрәкәтнең Югары Советы җитәкчесе Фәрит Мөхәммәтшин катнашты. Анда республикада фәнни-технологик үсеш дәүләт программасын үтәү мәсьәләләре дә каралды.

“Казан Экспо” үзәгендә «Агроволга» Халыкара агросәнәгать күргәзмәсе ачылды. Анда Татарстан Премьер-министры урынбасары – авыл хуҗалыгы һәм азык-төлек министры Марат Җаббаров чыгыш ясады. Быел күргәзмәдә 400дән артык компания, шул исәптән Беларуссия, Төркия, Кытай, Иран вәкилләре катнаша.

Нашли опечатку? Выделите фрагмент и отправьте нажатием Ctrl+Enter