Яңалыклар (02.07.24)

Иртәнге чыгарылыш

Рөстәм Миңнеханов Чистай шәһәрендә булды.
Татарстан Рәисе «Алексеевск- Әлмәт» тизйөрешле автомобиль юлын төзү барышы белән танышты.
Татарстанда 2-8 июльдә урманнарда югары дүртенче класслы янгын куркынычы фаразлана, шторм кисәтүе игълан ителә.

Көндезге чыгарылыш

Татарстан Рәисе Рөстәм Миңнеханов Чистай шәһәренең тарихи үзәгендә берничә объектта булды. Ул шәһәр җитәкчелеген мәдәният һәм тарих һәйкәлләренә сак карарга чакырды.

Татарстанда «Батыр» исемле батальонны формалаштыру дәвам итә. Укчылар батальоны махсус хәрби операция зонасында азат ителгән территорияләрне саклау белән шөгыльләнәчәк.

Республикада ташламалы торак программасы башланганнан бирле, Татарстанда яшәүчеләр белән 42 меңнән артык килешү төзелгән. Бу хакта Росреестр оешмасының төбәк бүлегеннән хәбәр иттеләр.

Кичке чыгарылышлар

Татарстан Рәисе Рөстәм Миңнеханов хөкүмәт йортында «Росатом» дәүләт корпорациясенең фәнни-технологик блогы җитәкчелеге вәкилләре белән очрашты. Киләчәктә хезмәттәшлек итү, Татарстан Республикасы һәм «Росатом» дәүләт корпорациясенең уртак фәнни-тикшеренү, тәҗрибә-конструкторлык эшләрен үткәрү мәсьәләләре тикшерелде.

Республикадагы сайлау участокларында сайлау алды басма агитация материалларын урнаштыру өчен махсус урыннар билгеләнә. Татарстан Үзәк сайлау комиссиясе утырышында шундый урыннарны бүлеп бирү һәм җиһазлау турында карар чыгарылды.

Татарстан Хөкүмәте Йортында узган брифингта журналистларга «Агроволга» халыкара агросәнәгать күргәзмәсен оештыру һәм Татарстан гросәнәгать комплексындагы агымдагы хәл турында сөйләделәр.

Татарстан Рәисе Рөстәм Миңнеханов хөкүмәт йортында «Росатом» дәүләт корпорациясенең фәнни-технологик блогы җитәкчелеге вәкилләре белән очрашты. Киләчәктә хезмәттәшлек итү, Татарстан Республикасы һәм «Росатом» дәүләт корпорациясенең уртак фәнни-тикшеренү, тәҗрибә-конструкторлык эшләрен үткәрү мәсьәләләре тикшерелде.

Республикадагы сайлау участокларында сайлау алды басма агитация материалларын урнаштыру өчен махсус урыннар билгеләнә. Татарстан Үзәк сайлау комиссиясе утырышында шундый урыннарны бүлеп бирү һәм җиһазлау турында карар чыгарылды.

Иртәгә Казанда Россия авыл хуҗалыгы өчен мөһим вакыйга – “Агроволга” Халыкара агросәнәгать күргәзмәсе ачыла. “Казан Экспо” Халыкара күргәзмәләр үзәге территориясендә масштаблы экспозиция әзерләнде, эшлекле форум узачак.

Нашли опечатку? Выделите фрагмент и отправьте нажатием Ctrl+Enter