“Яңгыр җиле булып кагылды җәй”- Әдәби-музыкаль композиция (22.06.24)

Җәйге гүзәллекләр, рәхәтлекләр белән хозурланганда без бу дөньяда авызлыкланырга тиешле явызлыклар барын да оныта алмыйбыз. Бүген – безгә нәкъ әнә шуны искәртеп, кисәтеп торучы дата – Хәтер һәм кайгы көне. 1941 елның шушы көнендә халкыбыз Бөек Ватан сугышына күтәрелә, илебез азатлыгы өчен изге көрәш башланып китә. Бүген без шушы яуда гомерләрен аямыйча ут эченә кереп шәһит киткәннәрне, иген кырларында, завод цехларында көнне төнгә ялгап хезмәт куйган фидакарьләрне, әтиләреннән калган тормыш йөген иңнәренә күтәргән сугыш чоры балаларын, илгә җиңү алып кайткан ветераннарны хөрмәтлибез. Мәрхүмнәрне дога белән искә алабыз, исәннәренә ихлас рәхмәтләребезне әйтәбез.

Хәтер һәм кайгы көнендә күңелгә килгән менә шундый уйлар белән тапшыруыбызның төп өлешенә килеп керәбез. Бүген, шушы көннең матур иртәсендә, әлбәттә инде, күңел җиләкле, чәчәкле, кояшлы, Сабан туйлы җәй турында нидер көтә. Шушы ихтыяҗны тоеп, хәзер без сезне “Яңгыр җиле булып кагылдың да” дигән әдәби-музыкаль композиция тыңларга чакырабыз. Шигырьләр күренекле артистыбыз Ирек Баһманов язмасында яңгырый.

Нашли опечатку? Выделите фрагмент и отправьте нажатием Ctrl+Enter