Яңалыклар (14.06.24)

Иртәнге чыгарылыш

Казанда Идел буе спорт университеты базасында Дәүләт Думасының Физик культура һәм спорт комитетының күчмә киңәшмәсе узды.

Республика башкаласында V Казан халыкара Евразия интеграциясе конгрессы эшли.

16 июнь көнне 17:00 сәгатьтә Кремль яр буенда «Корбан-Фест» бәйрәме узачак.

Көндезге чыгарылыш

Татарстан Рәисе Рөстәм Миңнеханов хөкүмәт йортында Таҗикстан Республикасының Россия Федерациясендәге Гадәттән тыш һәм Тулы вәкаләтле Илчесе Гөлмәхмәдзадә Дәүләтаһ Корбонали белән очрашты.

Татарстан Дәүләт Советы Рәисе Фәрит Мөхәммәтшин республика парламентында Абхазия Республикасының Халык җыены-парламенты җитәкчесе Лаша Ашуба белән очрашты. Абхазия делегациясе Казанга БРИКС илләре уеннары уңаеннан килде.

Татарстанның «Тәгәрмәчләрдә тернәкләндерү үзәге проекты Россия Президенты грантлары фонды конкурсында җиңеп чыкты. Проектны гамәлгә ашыруга 9 миллион сумнан артык акча бирелә.

Кичке чыгарылышлар

Татарстан Рәисе Рөстәм Миңнеханов һәм Россия Федерациясе Хөкүмәте каршындагы Финанс университеты ректоры Станислав Прокофьев фән, мәгариф өлкәсендә киләчәктә хезмәттәшлек итү мәсьәләләре турында фикер алыштылар.

Казан Федераль университетының филология һәм мәдәниара коммуникацияләр институтында «Рус теле һәм әдәбияты — Россиядә тәңгәллекне һәм Халыкара интеграцияне формалаштыру чарасы” дигән 2 Халыкара форум ачылды. Аның эшендә илнең 81 төбәгеннән һәм 22 чит илдән галимнәр катнаша.

Казан дәүләт мәдәният институтында инновацияләр һәм сәнгатьне берәштергән Хакатон марафоны ачылды.

Россия 2024 елда БРИКСта рәислек иткәндә, берләшмәнең яңа әгьзаларын эшче структураларга җәлеп итүгә теләктәшлек белдерә һәм Казанда булачак саммитта тиешле карарлар кабул итәргә җыена. Бу хакта Россия федерациясе Президенты Владимир Путин белдерде, дип хәбәр итте ТАСС.

Республика Рәисе Рөстәм Миңнеханов Үзбәкстан Республикасы тышкы эшләр министры урынбасары Иркен Хамраев белән дә очрашты. Россия-Үзбәкстан мөнәсәбәтләре нигезендә Татарстан белән Үзбәкстан арасындагы элемтәләрне үстерү турында сөйләштеләр.

Республика Рәисе Рөстәм Миңнеханов хөкүмәт йортында Татарстанның кышкы спорт төрләре спортчылары белән очрашты.

Нашли опечатку? Выделите фрагмент и отправьте нажатием Ctrl+Enter