Яңалыклар (05.06.24)

Иртәнге чыгарылыш

Татарстан Рәисе Рөстәм Миңнеханов эш сәфәре белән Ульяновский өлкәсендә булды. Ул өлкә губернаторы Алексей Русских белән бергә берничә сәнәгать предприятиесе, социаль учреждениеләр белән танышты.

Рөстәм Миңнеханов Ульяновскийда “Ләйлә — Җамал” мәчетен ачуда да катнашты.

Дәүләт Советы Рәисе Фәрит Мөхәммәтшин Самарада узган Идел буе федераль округы төбәкләренең дәүләт хакимияте Закон чыгару органнары ассоциациясе утырышында катнашты. Парламентарийлар Идел буе төбәкләре территориясендә инновация эшчәнлегенә ярдәм итү чаралары, шулай ук җирле әһәмияттәге мәсьәләләрне хәл итүдә хакимият органнарының халык һәм гражданлык җәмгыяте институтлары белән үзара хезмәттәшлеге турында фикер алышты.

Кичке чыгарылышлар

Татарстан Рәисе Рөстәм Миңнеханов Мәскәү һәм Бөтен Русь Патриархы Кирилл белән очрашты. Очрашу Мәскәүдә узды. Рөстәм Миңнеханов владыканы җылы сәламләде һәм яңа очрашуга бик шат булуын билгеләп үтте.

21 июньдә Казанда БРИКС+ илләре шәһәрләре ассоциациясенең беренче җыелышы уза. Бу чарага Бразилия, Һиндстан, Иран, Кытай, Көньяк Африка Республикасы, Төркия, Чили, Марокко, Азәрбайҗан, Казахстан һәм башка илләрнең мэрлары килә.

10-11 июнь көннәрендә Казанда, Бәшир Рәмиев исемендәге IT-паркта мәгариф министрларының «Киләчәкне формалаштыру» дигән икенче халыкара форумы узачак. Анда илебезнең мәгариф системасы казанышлары тәкъдим ителә.

Муса Җәлил исемендәге Татар Дәүләт Академия опера һәм балет театрында рус теле көненә һәм Александр Пушкинның 225 еллыгына багышланган тантана булды. Анда Татарстан Рәисе Рөстәм Миңнеханов, Дәүләт Киңәшчесе Минтимер Шәймиев катнашты.

Татарстан Рәисе Рөстәм Миңнеханов Казанда шагыйрь Евгений Боратынский музеенда рус җәмәгатьчелеге вәкилләре белән очрашты. Очрашу рус теле көненә һәм бөек шагыйрь Александр Пушкиның 225 еллыгына багышланды.

Санкт-Петербургта XXVII Халыкара икьтисади форум ачылды. Ул 8 июньгә кадәр дәвам итәчәк. Татарстан форумда үзенең аерым стендын тәкьдир итә. Ул “Татарстан – Халыкара дәрәҗәдәге чараларны тарту үзәге” дип атала.

Нашли опечатку? Выделите фрагмент и отправьте нажатием Ctrl+Enter