Яңалыклар (23.05.24)

Иртәнге чыгарылыш.

Татарстан Республикасы Рәисе Рөстәм Миңнеханов Бәһрәйн Әмире белән очрашты. Очрашу Мәскәүдә узды. Хәмәд бин Иса Әл Хәлиф Президент Владимир Путин чакыруы буенча  Россиягә сәфәргә килде.

Казанда «Эхо веков в истории семьи – Тарихта без эзлебез» VI нәсел шәҗәрәсе фестиваленә йомгак ясадылар.
Бүген БДИ тапшыруның төп чоры башлана, ул 11 июньгә кадәр үткәрелә.
Агымдагы елның җәендә барлыгы 170 мәктәп яны, 26 шәһәр яны һәм ике палатка лагере эшләячәк.
Язгы культураларны чәчү пландагы мәйданның 77 процентында үткәрелгән.

Көндезге чыгарылыш.

Татарстан Рәисе Рөстәм Миңнеханов Мәскәүдә Бәһрәйн Әмире белән очрашты. Хәмәд бин Иса Әл Хәлиф Президент Владимир Путин чакыруы буенча Россиягә килде.

Татарстан Премьер-министры урынбасары Ләйлә Фазлыева Мөхәммәдьяр исемендәге Халыкара төрки әдәби фестивалендә катнашучылар белән очрашты. Фестиваль 21-24 майда уза. Анда Әзәрбәйҗан, Казахстан, Кыргызстан, Үзбәкстан һәм Россиянең кайбер төбәкләреннән: Башкортостан, Саха (Якутия), Татарстан, Чувашия, Дагстан, Кабарда-Балкария, Карачай-Чирессиядән вәкилләр катнаша.

Татарстан экология министрлыгының цифрлы платформасы экология өлкәсендә цифрлаштыру буенча иң яхшы проект дип табылды. Түбән Новгородта узган “Россия сәнәгатенең цифрлаштыру индустриясе” конференциясендә министр Александр Шадринга җиңүче дипломы тапшырылды.

Кичке чыгарылышлар.

Иннополис лицеен тәмамлаучыларның чыгарылыш тантанасы узды. Биредә Россия төбәкләреннән сәләтле укучылар белем ала. Тантанада республика Премьер-министры урынбасары Роман Шәйхетдинов катнашты.

24-26 майда Татарстанда  эшмәкәрләрләре көннәре узачак. Чаралар Казанда һәм Яшел Үзәнда оештырыла. Камал театры янындагы мәйданда  үзмәшгульләр продукциясе күргәзмә-ярминкәсе үткәрелә.

Республика кырларында язгы кыр эшләре дәвам итә. Авыл хуҗалыгы һәм азык-төлек министрлыгы мәгьлүматлары буенча, планлаштырылган барлык мәйданның 80 процентында чәчү үткәрелгән.

Россия Федерациясе Президенты Владимир Путин  Бәһрәйн Әмире Хәмәд бин Иса Әл Хәлифне октябрь аенда Казанда узачак саммит эшендә катнашырга чакырды. Бәһрәйн Әмире чакыруны кабул итте.

Фешин исемендәге Казан сәнгать училищесында “Россиянең әдәби флагманы” фестиваль-форумы ачылды. Тантанада Татарстан Премьер-министры урынбасары Ләйлә Фазлыева катнашты.

24-26 майда Татарстанда  эшмәкәрләрләре көннәре уза. Чаралар Казанда һәм Яшел Үзәнда оештырыла. Камал театры янындагы мәйданда  үзмәшгульләр продукциясе күргәзмә-ярминкәсе үткәрелә.

Нашли опечатку? Выделите фрагмент и отправьте нажатием Ctrl+Enter