Яңалыклар (22.05.24)

Иртәнге чыгарылыш.

Татарстан Дәүләт Советы рәисе Фәрит Мөхәммәтшин Татарстан Республикасы Матбугат көне уңаеннан массакүләм мәгълүмат чаралары җитәкчеләре белән очрашты. Парламент җитәкчесе Татарстан Рәисе Рөстәм Миңнеханов сәламнәрен җиткерде.
Татарстанда быел туган телдән имтиханны 11 сыйныфны тәмамлаган 7 укучы бирәчәк. Имтиханнар 23 майга билгеләнгән. Бу хакта республика Министрлар Кабинетында узган брифингта мәгариф һәм фән министры Илсур Һадиуллин хәбәр итте.
Татарстан журналистлар берлегенең 21 нче сьезды булды. Быел союз төзелүгә 105 ел тула. Журналистлар берлеге рәисе Илшат Әминов хәзер оешмада 933 кешенең исәптә торуын хәбәр итте.

Көндезге чыгарылыш.

Иннополис университеты базасында сәнәгать робот техникасының беренче федераль үзәге төзелде. Әлеге учреждениедә робот техникасы проектларын гамәлгә ашыруда тиешле инфраструктура булдырылган.

Галиәсгар Камал исемендәге Татар Дәүләт Академия театрында Татарстанның халык язучысы Әмирхан Еникиның 115 еллыгына багышланган әдәби-музыкаль кичә узды.

Быел республиканың ветеран башкаручылары арасында 8 нче “Балкыш” фестивале зур уңыш белән узды. Бүген Габдулла Тукай исемендәге Татар дәүләт филармониясенең концертлар залында икенче гала-концерт була.

Кичке чыгарылышлар.

Казанда “Тарихта без эзлебез” дигән 6 нәсел шәҗәрәләре республика конкурсына йомгак ясалды. Галиәсгар Камал исемендәге Татар Дәүләт Академия театрынды узган тантанада Татарстан Рәисе Рөстәм Миңнеханов катнашты.

24-26 майда Татарстанда  эшмәкәрләрләре көннәре узачак. Чаралар Казанда һәм Яшел Үзәнда оештырыла. Камал театры янындагы мәйданда  үзмәшгульләр продукциясе күргәзмә-ярминкәсе үткәрелә.

Татарстанда яшәүче халыкларның җәйге милли бәйрәмнәрен үткәрү көннәре ачыкланды. Киләсе якшәмбедә, 26 майда Лаеш районының Никольское авылында Каравон бәйрәме булачак.

Казанда «Эхо веков в истории семьи – Тарихта без эзлебез» VI нәсел шәҗәрәсе фестиваленә йомгак ясадылар.
Язгы культураларны чәчү пландагы мәйданның 77 процентында үткәрелгән.
Миллениум күперендә 20 ел эчендә беренче тапкыр капиталь ремонт бара.
Талпан вируслы энцефалиты буенча Татарстанның 30 районы һәм шәһәре эндемик территория булып санала.

Нашли опечатку? Выделите фрагмент и отправьте нажатием Ctrl+Enter