Яңалыклар (21.05.24)

Иртәнге чыгарылыш.

Борынгы Болгар бабаларыбызның Ислам динен рәсми кабул итүе уңаеннан, Татарстан Рәисе Рөстәм Миңнеханов республика халкына мөрәҗәгать белән чыкты.

Татарстан Дәүләт Советы Рәисе Фәрит Мөхәммәтшин республикада яшәүчеләрне “Бердәм Россия” партиясенең тавыш бирү чарасында катнашырга чакырды. Бу хакта ул Апаста зона киңәшмәсендә белдерде. Тавыш бирү нәтиҗәләре депутатлыкка кандидатларның ышаныч дәрәҗәсен ачыкларга мөмкинлек бирәчәк.

Республика кырларында язгы кыр эшләре дәвам итә. Авыл хуҗалыгы һәм азык-төлек министрлыгы мәгьлүматлары буенча, планлаштырылган барлык мәйданның 70 процентында чәчү үткәрелгән.  Бөртекле культуралар 77 процент мәйданда чәчелгән.

Көндезге чыгарылыш.

Татарстан Рәисе Рөстәм Миңнеханов тарихи җирлекләрдә шәһәр төзелеше эшчәнлеге мәсьәләләре буенча ведомствоара комиссиянең чираттагы утырышын уздырды. Комиссия әгъзаларына Алабуга, Чистай шәһәрләренең тарихи  төзелеш документларын, шулай ук Чистайда, Зөя шәһәр-утравында һәм Казанда төзеләчәк яңа проектларны тәкъдир иттеләр.

Татарстан Дәүләт Советы Рәисе, “Бердәм Россия” партиясенең төбәк бүлеге секретаре Фәрит Мөхәммәтшин җиденче чакырылыш парламентына депутатлыкка кандидатларны сынап карау тавыш бирүендә катнашты.

Татарстан икьтисад министры Мидхәт Шаһиәхмәтов Россия Федерациясе Президентының эшмәкәрләрнең хокукларын яклау буенча Вәкаләтле Вәкиле Борис Титовның рәхмәт хатын алды.  Министрга  бүләкне республика бизнес-омбудсмены Фәрит Габделганиев тапшырды.

Кичке чыгарылышлар.

Татарстан Дәүләт Советы рәисе Фәрит Мөхәммәтшин Татарстан Республикасы Матбугат көне уңаеннан массакүләм мәгълүмат чаралары җитәкчеләре белән очрашты. Парламент җитәкчесе Татарстан Рәисе Рөстәм Миңнеханов сәламнәрен җиткерде.

Татарстанда быел туган телдән имтиханны 11 сыйныфны тәмамлаган 7 укучы бирәчәк. Имтиханнар 23 майга билгеләнгән. Бу хакта республика Министрлар Кабинетында узган брифингта мәгариф һәм фән министры Илсур Һадиуллин хәбәр итте.

«Татмедиа» бинасы янында «Ялкын» журналының 100 еллыгына багышланган күргәзмә ачылды. Татарстан матбугаты көне уңаеннан журнал бәйрәм дә оештырды.

Татарстан Дәүләт Советы рәисе Фәрит Мөхәммәтшин Татарстан Республикасы Матбугат көне уңаеннан массакүләм мәгълүмат чаралары җитәкчеләре белән очрашты. Парламент җитәкчесе Татарстан Рәисе Рөстәм Миңнеханов сәламнәрен җиткерде.

Татарстанда быел туган телдән имтиханны 11 сыйныфны тәмамлаган 7 укучы бирәчәк. Имтиханнар 23 майга билгеләнгән. Бу хакта республика Министрлар Кабинетында узган брифингта мәгариф һәм фән министры Илсур Һадиуллин хәбәр итте.

«Татмедиа» бинасы янында «Ялкын» журналының 100 еллыгына багышланган күргәзмә ачылды. Татарстан матбугаты көне уңаеннан журнал бәйрәм дә оештырды.

Нашли опечатку? Выделите фрагмент и отправьте нажатием Ctrl+Enter