Туры эфир (20.05.24)

“Актуаль әңгәмә”. Республикабыз авыл хуҗалыгы эшчәннәре быелгы катлаулы һава шартларында мул уңыш үстерү өчен нигез салуны дәвам иттерәләр. Телефон элемтәсендә катнашачак авыл хуҗалыгы министрлыгының бүлек җитәкчесе Ирек Әнвәр улы Садыйков алда барган районнар, быелгы чәчүдә кулланылган яңалыклар, алдынгы механизаторлар турында сөйли.

Россиянең Идел елгасы буенда урнашкан төбәкләре – Волгоград, Әстерхан, Ярославль, Самара өлкәләре, Татарстан республикасы бүген Идел көнен билгеләп үтә. Идел – Европада иң зур елгаларның берсе, озынлыгы 3530 км, Россиянең 8 процент территориясен били, мәйданы 1 миллион 360 мең кв.м. Авыл хуҗалыгы җирләренең яртысы диярлек Идел буенда, анда 60 миллионнан күбрәк төрле милләт вәкилләре яши.
Табигатьтән файдалану өлкәсендә Идел-Кама төбәкара Федераль идарәсе (“Росприроднадзор”) җитәкчесе Фаяз Фәнил улы Шакиров бүгенге тапшыруда катнашып, Идел елгасының илебез тормышындагы роле турында сөйләячәк, тыңлаучылар сорауларына җавап бирәчәк.

Күчемсез милек, кагыйдә буларак, иң зур матди кыйммәтләрнең берсе булып тора, аның белән эш итү законлы булсын өчен, кирәкле документларны үз вакытында рәсмиләштерергә һәм таләп ителә торган эшләрне башкарырга кирәк. Студиядәбездэ кунакта «Роскадастр» иҗтимагый хокукый компаниясе Татарстан Республикасы филиалының күчемсез милек бердәм дәүләт реестры алып баруны тәэмин итү бүлеге җитәкчесе Айгөль Шәйхразиева.

Нашли опечатку? Выделите фрагмент и отправьте нажатием Ctrl+Enter