Яңалыклар (17.05.24)

Иртәнге чыгарылыш.

Башкалабызның Бәшир Рәмиев исемендәге Ай-ти паркында “Россия – Ислам дөньясы” стратегик караш төркеменең еллык утырышы узды. Утырышны Татарстан Рәисе, төркем җитәкчесе Рөстәм Миңнеханов алып барды.
Бу көннәрдә (17-19 май) Бөтендөнья татар конгрессы Казан шәһәрендә “Милли тормыш һәм дин” XIV Бөтенроссия татар дин әһелләре форумын үткәрә.
Балалар ялы, балалар өчен җитештерелгән товарларның сыйфаты һәм куркынычсызлыгы мәсьәләләре буенча консультация хезмәте күрсәтеләчәк.

Көндезге чыгарылыш.

Бүген Россия ислам форумы чаралары дәвам итә.
Татарстан Рәисе Рөстәм Миңнеханов, РФ Хөкүмәте Рәисе урынбасары Марат Хөснуллин һәм Төркмәнстан халкының милли лидеры, Төркмәнстан Халык Мәсләхәте Рәисе Гурбангулы Бердымөхәммәдов Russia Halal Expo күргәзмәсен карадылар.
ТР Дәүләт Советы Рәисе, ТР Халыклар ассамблеясе рәисе Фәрит Мөхәммәтшин Казахстан халкы ассамблеясе Рәисе урынбасары, Казахстан халкы ассамблеясе секретариаты мөдире Марат Азилханов белән очрашты.

Кичке чыгарылышлар.

«Россия – Ислам дөньясы: KazanForum» XV халыкара икътисадый форумы кысаларында Россиядә партнерлык финанслау темасы турында фикер алыштылар.
Казан Кремлендә Татарстан Республикасы Дәүләт Киңәшчесе Минтимер Шәймиев Дәүләт Эрмитажы генераль директоры Михаил Пиотровский белән очрашты.
Республика буенча әлегә барлык мәйданның 63 процентында, ягъни 1 миллион 200 мең гектардан күбрәк мәйданда чәчү үткәрелгән.

Нашли опечатку? Выделите фрагмент и отправьте нажатием Ctrl+Enter