Туры эфир (13.05.24)
Халкыбыз Бөек Җиңүнең 79 еллыгын зурлап билгеләп үтте. Күпчелек халык 4 көн дәвамында ял итте. Терлекчелек өлкәсендә киеренке хезмәтнең бер генә көнгә дә тукталып торганы юк. Республикабыз авыл эшчәннәренең язгы киеренке хезмәте, терлекләр арасында аеруча еш очрый торган авырулар һәм алардан котылу өчен күрелгән чаралар турында турыдан-туры эфирда Татарстан республикасы Министрлар Кабинеты каршындагы Баш ветеринария идарәсе җитәкчесе, Татарстанның атказанган ветеринария табибы, биология фәннәре кандидаты Алмаз Хисаметдинов сөйләячәк, тыңлаучылар сорауларына җавап бирәчәк.
Бүген – 13 май, танылган татар җырчысы Таһир Якуповның туган көне, быел аның тууына 78 ел була. Халык җырларын башкарып танылган артистның мирасын популярлаштыру максатыннан узган елда Таһир Якупов исемендәге республика фестиваль-бәйгесе гамәлгә куелган иде. Беренче фестиваль бик уңышлы үтте, быел катнашу өчен гаризалар 1нче апрельдә кабул ителә башлады һәм августка кадәр дәвам итәчәк. Әлеге чара турында тулырак журналист Ания Гыйбадуллина әзерләгән әңгәмәдән ишетә алырбыз.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=591645){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
