Яңалыклар (08.05.24)

Иртәнге чыгарылыш

— Мәскәүдә Зур Кремль сараенда Владимир Путинның Россия федерациясе Президенты вазифасына керешү тантанасы булды. Анда Татарстан Рәисе Рөстәм Миңнеханов катнашты.

-Җиңү көне алдыннан, милли-мәдәни берләшмәләр, Татарстан Халыклары ассамблеясы, республиканың күпмилләтле яшьләре вәкилләре Казанның Җиңү мемориаль паркында Мәңгелек утка чәчәкләр салдылар. Тантаналы чарада Дәүләт Советы Рәисе, Татарстан халыклары ассамблеясе рәисе Фәрит Мөхәммәтшин катнашты.

-9 нчы, 10 нчы майда Казанда җәмәгать транспорты ял көне календаре буенча йөриячәк. 9 майда, Җиңү көнендә автобуслар, тролейбуслар һәм трамвайлар төнге сәгать уникенче яртыга кадәр йөри, кичке сигездән соң метрода өстәмә маршрутлар кертелә.

Көндезге чыгарылыш

-Россия Федерациясе Федераль Җыенының Дәүләт Думасы Рәисе Вячеслав Володин Татарстан халкын Җиңү көне белән котлады. Россия парламентының түбән палатасы спикеры Дәүләт Советы Рәисе Фәрит Мөхәммәтшин адресына  котлау телеграммасын җибәрде.

-Татарстан Премьер-министры урынбасары Роман Шәйхетдинов җитәкчелегендәге рәсми делегация Берләшкән Гарәп Әмирлекләренең Абу-Даби шәһәрендә ел саен үткәрелә торган Халыкара инвестиция форумында катнаша.

-Татарстан Иҗтимагый палатасы рәисе Зилә Вәлиева «Минем Герой — минем гаилә» патриотик флешмобына кушылды. Ул  сугыш елларында Сахалинда хезмәт иткән әтисе, шулай ук ире Римзил Вәлиевнең әтисе Салих Вәлиев турында сөйләде.

Кичке чыгарылышлар

— Россия Федерациясе Федераль Җыенының Дәүләт Думасы Рәисе Вячеслав Володин Татарстан халкын Җиңү көне белән котлады. Россия парламентының түбән палатасы спикеры Дәүләт Советы Рәисе Фәрит Мөхәммәтшин адресына  котлау телеграммасын җибәрде.

-Татарстан Премьер-министры урынбасары Роман Шәйхетдинов җитәкчелегендәге рәсми делегация Берләшкән Гарәп Әмирлекләренең Абу-Даби шәһәрендә ел саен үткәрелә торган Халыкара инвестиция форумында катнаша.

-Татарстан Иҗтимагый палатасы рәисе Зилә Вәлиева «Минем Герой — минем гаилә» патриотик флешмобына кушылды. Ул  сугыш елларында Сахалинда хезмәт иткән әтисе, шулай ук ире Римзил Вәлиевнең әтисе Салих Вәлиев турында сөйләде.

— Муса Җәлил исемендәге Татар дәүләт Академия опера һәм балет театрында Бөек Ватан сугышында Җиңүнең 79 еллыгына багышланган тантаналы чара узды. Тантанада Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Дәүләт Советы Рәисе Фәрит Мөхәммәтшин, Премьер-министр Алексей Песошин, сугыш ветераннары, тыл хезмәтчәннәре, хәрбиләр катнашты.

-Татарстан Дәүләт Советы Рәисе, “Бердәм Россия” партиясенең төбәк бүлеге секретаре Фәрит Мөхәммәтшин “Ветеранга шалтырату” традицион акциясендә катнашты. Ул Чаллыда яшәүче Бөек Ватан сугышы ветераннары белән видео элемтә аша сөйләште, Җиңү бәйрәме белән котлады.

-Татарстанда Бөек Җиңү көненә багышланган онлайн-флешмоб дәвам итә. Республика халкы социаль челтәрләрдә Бөек Ватан сугышында катнашкан туганнарының тарихлары белән уртаклаша ала.

Нашли опечатку? Выделите фрагмент и отправьте нажатием Ctrl+Enter