Яңалыклар (29.04.24)

Иртәнге чыгарылыш

-Татарстан Рәисе Рөстәм Миңнеханов Төркмәнстан Президенты Сәрдәр Бердымөхәммәдов белән очрашты.

— “Бердәм Россия” партиясенең Татарстан бүлеге шефлыкка алынган Лисичанский һәм Рубежное шәһәрләрендә яшәүчеләргә чираттагы гуманитар ярдәмне җибәрәчәк. Хәрбиләргә төрле техника, ашамлыклар, исемле посылкалар әзерләнгән.

-Республикада “Кызыл канәфер” хәйрия акциясе башланды. Бөек Ватан сугышы башланган көн — 22 июньгә кадәр кызыл канәфер чәчәге формасындагы билгеләрне сатып алуда катнаша ала. Аларны сатудан җыелган акча Бөек Ватан сугышы ветераннары һәм махсус хәрби операциядә катнашучылар ихтыяҗларына тотылачак.

-Татарстанда Җиңү көненә «Минем героем — минем гаиләм» онлайн-флешмобы башланды. Республикада яшәүчеләр социаль челтәрләрдә Бөек Ватан сугышында катнашкан туганнарының, якыннарының тарихлары белән уртаклаша ала.

Кичке чыгарылыш.

-Татарстан Рәисе Рөстәм Миңнеханов милләтаар һәм конфессияара мөнәсәбәтләр буенча Совет составына үзгәрешләр кертте. Бу турыдагы Указ хокукый мәгьлүмәт порталында теркәлгән.
-Республика авыл хуҗалыгы һәм азык-төлек министрлыгының оператив мәгьлүмәтләренә караганда, Татарстан хуҗалыкларында язгы чәчү 14 процент мәйданда башкарылган. Тәтеш, Буа, Лениногорский районнарында сабан культуралары 27-29 процент мәйданда чәчелгән.
-Киләсе шимбә көнне, ягьни 4 майда Татарстанда “Хәтер бакчасы” Халыкара акциясе узачак. Анда теләгән һәркем кушыла ала. Акция барышында Бөек Ватан сугышында катнашкан яки яу кырында һәлак булган каһарманнар истәлегенә агачлар утыртылачак. Чара Бөек Ватан сугышында Җиңүнең 79 еллыгына багышлана.

Нашли опечатку? Выделите фрагмент и отправьте нажатием Ctrl+Enter