Яңалыклар (25.04.24)

Иртәнге чыгарылыш

Татарстан Рәисе Рөстәм Миңнеханов Әлмәттә алдынгы инженерлык мәктәпләре җитәкчеләре семинар-киңәшмәсен ачуда катнашты. Әлеге чара шәһәрнең Югары нефть мәктәбе фәнни-мәгариф үзәгендә узды.

Республиканың  Мәдәни мирас обьектларын саклау комитеты быел 100ләп обьектны тарихи-мәдәни экспертизага куйган. Шулай ук 20 археология һәйкәле тикшерелә. Бу турыда Татарстан Министрлар Кабинетында узган брифингта әйтелде.

Республиканың ветеран башкаручылары арасында “Балкыш” фестиваленең соңгы этабы башлана. Бүген Габдулла Тукай исемендәге Татар дәүләт филармониясендә фестивальнең беренче гала-концерты үткәрелә.

Көндезге чыгарылыш

-Татарстан Дәүләт Советы Рәисе, «Бердәм Россия» сәяси партиясенең төбәк бүлеге Секретаре Фәрит Мөхәммәтшин Спас районында партия проекты чараларында катнашты,

— Иннополиста Россия венчур форумында технологияне камилләштерү мәсьәләләре буенча фикер алыштылар. Анда экспертлар, инвесторлар, стартап һәм венчур фондлары, Россиянең инновация төбәкләре ассоциациясе, зур корпорацияләр, югары уку йортлары вәкилләре катнашты. Форумда Татарстан Премьер-министры урынбасары Роман Шәйхетдинов чыгыш ясады.

-Республиканың ветеран башкаручылары арасында “Балкыш” фестиваленең соңгы этабы башланды. Бүген Габдулла Тукай исемендәге Татар дәүләт филармониясендә фестивальнең беренче гала-концерты үткәрелә.

Кичке чыгарылышлар

— «Казань Экспо» Халыкара күргәзмәләр үзәгендә 18 Россия венчур форумы ачылды. Форумны ачу тантанасында Россия Федерациясенең фән һәм югары белем бирү министры Валерий Фальков, Татарстан Рәисе Рөстәм Миңнеханов, башка рәсми затлар катнашты.

— Мәскәүдә Халык хуҗалыгы казанышлары күргәзмәсенең  конгресс-үзәгендә озын һәм актив гомер итүдә спортның роле турындагы чара узды. Анда Татарстан Республикасы стенды да тәкъдим ителде. БРИКС илләре спорт уеннары турында видеороликлар күрсәтелде.

-2024 елда «РЕБУС» форумы 14-15 ноябрьдә узачак, анда Кытай экспертларының да катнашуы көтелә. Бу хакта Татарстан Рәисе ярдәмчесе Олеся Балтусова хәбәр итте.

— «Казань Экспо» Халыкара күргәзмәләр үзәгендә 18 Россия венчур форумы ачылды. Форумны ачу тантанасында Россия Федерациясенең фән һәм югары белем бирү министры Валерий Фальков, Татарстан Рәисе Рөстәм Миңнеханов, башка рәсми затлар катнашты.

-Иртәгә Татарстан Республикасында Туган тел көне һәм бөек татар шагыйре Габдулла Тукайның тууына 138 ел тулу билгеләп үтелә. Республиканың барлык районнарында чаралар уздырылачак.

-Республика хуҗалыкларында язгы кыр эшләре дәвам итә. Барлык районнар игенчеләре дә сабан культураларын чәчүгә кереште.

Нашли опечатку? Выделите фрагмент и отправьте нажатием Ctrl+Enter