Яңалыклар (16.04.24)

Иртәнге чыгарылыш

— Татарстан Рәисе Рөстәм Миңнеханов көндезге бүлектә белем алучы, 23 яшьтән узмаган студент балалары булган күп балалы гаиләләргә ярдәм чаралары турындагы указны имзалады. Документ нигезендә шулай ук күп балалы гаиләнең срогы чикләнмәгән статусы билгеләнә.

— Алтынчы чакырылыш Татарстан Дәүләт Советының 53 нче утырышы 19 апрельдә була. Анда республика Премьер-министры Алексей Песошин Министрлар Кабинетының 2023 елгы эш йомгаклары турында хисап ясаячак.

-Казанда санитар чистарту буенча икеайлык барышында 20 апрельдә гомумшәһәр өмәсе узачак. Өмәдә сулыкларның яр буе зоналарына һәм урман полосасы территорияләренә төп игътибарны бирергә ниятлиләр.

Көндезге чыгарылыш

-Татарстан Премьер-министры Алексей Песошин хөкүмәт йортында «Татэнерго» акционерлык җәмгыяте директорлар советы утырышын үткәрде.

-Апас районыннан 18 тонна гуманитар йөк Лисичанскига һәм Рубежное шәһәрләренә килеп җиткән. Районнан Луганск Халык Республикасына төзелеш эшләре өчен материал, кием-салым, азык-төлек, хәрби хезмәткәрләр һәм шәһәрне торгызу өчен кирәкле башка әйберләр, шулай ук традицон милли ризыклар озатылган.

-26 апрельдә Россия күләмендә Бөек Ватан сугышы вакыйгаларына багышланган “Җиңү диктанты” Халыкара акциясе узачак. Бу көнне Татарстанда акциянең төбәк этабында җиңүчеләр ачыклана.

Кичке чыгарылышлар

— «Россия – Ислам дөньясы» Халыкара икьтисади форумы 15 елда үзен ислам илләре белән ышанычлы хезмәттәшлек мәйданы буларак күрсәтте. Татарстан Рәисе, “Россия – Ислам дөньясы” стратегик караш төркеме җитәкчесе Рөстәм Миңнеханов 15 нче икьтисади форумны оештыру комитеты утырышында шул турыда хәбәр итте.

-Казанда быелгы БРИКС уеннарында катнашучы командалар делегацияләре җитәкчеләре очрашуы башланды. Онлайн форматта 35 ил вәкиле катнаша. Инфраструктура белән танышу өчен Казанга Бәхрейн, Берләшкән Гарәп Әмирлекләре, Венесуэла, Әзербәйҗан, Сербия һәм Конгодан кунаклар килде.

— Татарстан хөкүмәтендә узган брифингта урман хуҗалыгы министры Равил Кузюров рсепубликада агач утырту, урманнарны яңарту сезоны ачылуы турында әйтте. Быел 2 мең 500 гектарда урманнарны торгызу бурычы куелган.

— «Россия – Ислам дөньясы» Халыкара икьтисади форумы 15 елда үзен ислам илләре белән ышанычлы хезмәттәшлек мәйданы буларак күрсәтте. Татарстан Рәисе, “Россия – Ислам дөньясы” стратегик караш төркеме җитәкчесе Рөстәм Миңнеханов 15 нче икьтисади форумны оештыру комитеты утырышында шул турыда хәбәр итте.

— Казанда быелгы БРИКС уеннарында катнашучы командалар делегацияләре җитәкчеләре очрашуы башланды. Онлайн форматта 35 ил вәкиле катнаша. Инфраструктура белән танышу өчен Казанга Бәхрейн, Берләшкән Гарәп Әмирлекләре, Венесуэла, Әзербәйҗан, Сербия һәм Конгодан кунаклар килде.

— Татарстан хөкүмәтендә узган брифингта урман хуҗалыгы министры Равил Кузюров рсепубликада агач утырту, урманнарны яңарту сезоны ачылуы турында әйтте. Быел 2 мең 500 гектарда урманнарны торгызу бурычы куелган.

Нашли опечатку? Выделите фрагмент и отправьте нажатием Ctrl+Enter