Яңалыклар (04.04.24)

Иртәнге чыгарылыш

— «Казань Экспо» үзәгендә энергетика һәм энергия чыганакларыннан нәтиҗәле файдалануга багышланган халыкара форумы узды. Анда Татарстан Рәисе Рөстәм Миңнеханов катнашты.

-«Казань Экспо» үзәгендә Рөстәм Миңнеханов “Энергетика комплексына инвестицияләр һәм төбәкләр арасында хезмәттәшлек” дигән темага түгәрәк өстәл сөйләшүендә катнашты.

-Татарстан Дәүләт Киңәшчесе, ”Яңарыш” республика фондының попечительләр Советы рәисе Минтимер Шәймиев Төркия Республикасының Казандагы Генераль консулы Угур Йылмаз белән очрашты. Консул үз вазифаларына 2023 елның 1 октябрендә керешкән иде.

    Көндезге чыгарылыш

-Татарстан, санкцияләр басымына карамастан, үсешен дәвам итә.  Бу хакта Республика Рәисе Рөстәм Миңнеханов Россия Федерациясе Дәүләт Советы комиссиясенең энергетика тармагында технологик мөстәкыйльлекне тәэмин итү мәсьәләләренә багышланган утырышында белдерде.

-Татарстанда махсус хәрби операция ветераннары һәм аларның гаиләләре өчен кайнар элемтә эшли башлады. «Ватан сакчылары» фондының Татарстандагы филиалына ярдәм сорап шәхсән килергә дә була. Фондның адресы: Казан шәһәре, Ямашев урамы, 1 йорт.

-Республика экология һәм табигать ресурслары министрлыгы Куйбышев сусаклагычының 6-10 апрель көннәренә эш тәртибен билгеләде.  Язгы ташу сәбәпле, сусаклагычтан секундына 6 мең 300 куб метр суны агызып торачаклар.

Кичке чыгарылышлар

-Татарстан Рәисе Рөстәм Миңнеханов республиканың террорчылыкка каршы көрәш комиссиясе утырышын үткәрде. Утырышта Дәүләт Киңәшчесе Минтимер Шәймиев катнашты.

— Казанның Совет районындагы Яңа Вознесение һәм Көньяк паркы территрияләрендә торак бистәсе төзеләчәк. Башкала мэриясендә торак проекты әзерләнә.

— Арча, Апас, Чүпрәле, Кукмара, Мөслим, Балык Бистәсе, Саба  районнары авыл мәдәният йортлары базасында «Мәхәллә» иҗат киңлеге» проекты башланды.

-ТР Рәисе Рөстәм Миңнеханов Татарстан Республикасында террорчылыкка каршы комиссия утырышын үткәрде.
-Татарстан елгаларында язгы ташу дәвам итә.
-Казанда, Әлмәттә, Чаллыда һәм Чистайда Бөтендөнья сәламәтлек көненә багышланган тонометрларны тикшерү чарасы үткәрелә.

Нашли опечатку? Выделите фрагмент и отправьте нажатием Ctrl+Enter