Яңалыклар (03.04.24)

Иртәнге чыгарылыш

-Татарстан Рәисе Рөстәм Миңнеханов Алабугада пилотсыз очкычлар һөҗүме нәтиҗәсендә зыян килгән биналарны карады, төзүчеләр белән аралашты, торак биналарын тиз арада төзекләндерергә күрсәтмә бирде.

-Рөстәм Миңнеханов Түбән Кама сәнәгать кластерында да булды, предприятиеләр җитәкчеләре белән киңәшмә уздырды.

— Һәвәскәр ветеран башкаручылар арасында “Балкыш” республика фестивале дәвам итә. Фестивальнең зона турлары Арчада, Кукмарада, Алекссевскийда, Буада һәм Чаллыда гөрләп узды. Бүген Әлмәттә көньяк-көнчыгыш төбәге ветераннары чыгыш ясаячак.

Көндезге чыгарылыш

— «Ростки: Россия һәм Китай – үзара файдалы хезмәттәшлек» форумы Казанда 13-15 ноябрьдә узачак. Анда 50дән артык эшлекле утырышта сәнәгать, инфраструктура, мәгариф, мәдәният мәсьәләләренә багышланган сөйләшүләр үткәрү күздә тотыла.

— Татарстанда 2024 елда субсидия бирелә торган авиа маршрутларның санын арттырырга җыеналар. Бу уңайдан республика хөкүмәте карар проекты коррупциягә каршы экспертиза уза.

—  Бүген республика яшьләр эшләре министры Ринат Садыйков җәмәгатьчелек белән элемтәләр үзәгендә турыдан-туры эфирда катнаша. Ул дәүләт ярдәмендә яшь гаиләләрнең торак шартларын яхшырту мәсьәләләре турында сөйләячәк.

Кичке чыгарылышлар

-«Казань Экспо» үзәгендә энергетика һәм энергия чыганакларыннан нәтиҗәле файдалануга багышланган халыкара форумы ачылды. Анда Татарстан Рәисе Рөстәм Миңнеханов катнашты.

-Мәскәүдәге Россия күргәзмә-форумында ил шәһәрләрендәге уникаль проектлар конкурсына         йомгак ясалды. Конкурска Менделеев шәһәрендәге “Ушков утраулары” дигән экстермаль спорт төрләре паркы да тәкьдим ителгән иде. Ул “Сәламәт шәһәр” номинациясендә кече шәһәрләр арасында беренче урынга лаек булды.

-Татарстан мәдәният министры Ирада Әюпова Мәскәүдә «Идел буе халыкларының традицион костюмы» дип аталган күргәзмәне ачу тантанасында катнашты. Экспозиция Россия Федерация Советы залында тәкъдим ителгән.

-Казань Экспо» үзәгендә энергетика һәм энергия чыганакларыннан нәтиҗәле файдалануга багышланган халыкара форумы ачылды. Анда Татарстан Рәисе Рөстәм Миңнеханов катнашты.

-«Казань Экспо» үзәгендә Рөстәм Миңнеханов “Энергетика комплексына инвестицияләр һәм төбәкләр арасында хезмәттәшлек” дигән темага түгәрәк өстәл сөйләшүендә катнашты.

-Татарстан Дәүләт Киңәшчесе, ”Яңарыш” республика фондының попечительләр Советы рәисе Минтимер Шәймиев Төркия Республикасының Казандагы Генераль консулы Угур Йылмаз белән очрашты. Консул үз вазифаларына 2023 елның 1 октябрендә керешкән иде.

Нашли опечатку? Выделите фрагмент и отправьте нажатием Ctrl+Enter