Яңалыклар (02.04.24)

Иртәнге чыгарылыш

-Татарстан Республикасы Рәисе БРИКС илләренең Казандагы халыкара спорт уеннарын әзерләү һәм үткәрү буенча республика оештыру комитеты утырышын уздырды.
-Рөстәм Миңнеханов «Амкодор» — холдингның идарәче компаниясе»ААҖ Директорлар советы рәисе Александр Шакутин белән очрашты.
-1 нче апрельдән 12 нче апрельгә кадәр мәктәп укучыларын кайнар ризык белән тәэмин итүне оештыру мәсьәләләре буенча кайнар линия эшләячәк.

Көндезге чыгарылыш

— Бүген иртәнге якта Алабугада һәм Түбән Камада предприятиеләргә пилотсыз очкычлар һөҗүм иткән. Җитди җимерелүләр теркәлмәгән, предприятеләрнең эше дәвам итә.

-Татарстан Дәүләт Советы Рәисе урынбасары, Татарстандагы «Россия авылы» партия проекты координаторы Марат Әхмәтов «Бердәм Россия» партиясеннән тәкъдим ителәчәк җиденче чакырылыш Дәүләт Советы депутатлыгына кандидатлар буенча праймеризда, ягьни алдан тавыш бирүдә катнашу өчен документлар тапшырды.

-“Җиңү диктанты” Халыкара патриотик акциясенең географиясе быел тагын да киңәйтелә. 2023 елда диктантта 46 ил катнашса, быел ул 56 илдә җәелдереләчәк.

Кичке чыгарылышлар

— Биектау районыннан Луганск Халык Республикасына 15 тоннага якын гуманитар йөк җибәргәннәр. Исемлеккә төзелеш материаллары, маскировка челтәрләре, җылы киемнәр, блиндаж шәмнәре, хәрбиләргә исемле посылкалар, тәм-томнар кергән.

—  “Җиңү диктанты” Халыкара патриотик акциясенең географиясе быел тагын да киңәйтелә. 2023 елда диктантта 46 ил катнашса, быел ул 56 илдә җәелдереләчәк.

— 10 апрель көнне мөселман дөньясы Ураза гаетен билгеләп үтәчәк. Әлеге мөбарәк бәйрәм Татарстанның шәһәрләрдәге мәчетләрендә иртәнге сәгать җиденче яртыда Коръән аятьләрен укып башлана, сәгать җидедә гает вәгазьләре белән дәвам итәчәк.

-Татарстан Рәисе Рөстәм Миңнеханов Алабугада пилотсыз очкычлар һөҗүме нәтиҗәсендә зыян килгән биналарны карады, төзүчеләр белән аралашты, торак биналарын тиз арада төзекләндерергә күрсәтмә бирде.       Рөстәм Миңнеханов Түбән Кама сәнәгать кластерында да булды, предприятиеләр җитәкчеләре белән киңәшмә уздырды.

-Чаллыда санитар икеайлык башланды. 20 апрельгә традицион гомумшәһәр өмәсе билгеләнде.

— «Татарстанның чиста урманнары» табигатьне саклау акциясенең язгы этабы 22 апрельдән 22 июньгә кадәр уза. Ике ай эчендә урманнардан кыш буена җыелган чүп-чар, корыган агачлар, чыбык-чабыклар җыеп чыгарылачак.

Нашли опечатку? Выделите фрагмент и отправьте нажатием Ctrl+Enter