Яңалыклар (29.03.24)

Иртәнге чыгарылыш

-Бүген Татарстан Дәүләт Советының 52 нче утырышы булачак. Көн тәртибенә 20 мәсьәлә тәкьдим ителде. Депутатлар Татарстан Фәннәр Академиясенең 2023 елгы эше турында хисап, Иҗтимагый Палата җитәкчесе, балалар омбудсмены докладларын тыңлаячак.

-Бүген «Казан Экспо» Халыкара күргәзмә үзәгендә узачак 12нче республикакүләм ифтарда куркынычсызлыкны тәэмин итү чараларын арттырачаклар.

-Татарстанның 39 муниципаль берәмлегендәге 13 меңнән артык кеше яши торган 220 торак пункт су басу зонасында калырга мөмкин. Республика вице-премьеры Рөстәм Нигъмәтуллин шулай дип белдерде.

Көндезге чыгарылыш

— Бу минутларда Татарстан Дәүләт Советының 52 нче утырышы дәвам итә. Көн тәртибенә 20 мәсьәлә кертелде. Утырыштан әзерләнгән тулырак репортажны 15 сәгать 10 минутта һәм 18 сәгать 10 минутта тыңлый аласыз.

-Бүген «Казан Экспо» Халыкара күргәзмә үзәгендә 12нче республикакүләм ифтар узачак. Анда 12 мең чамасы кеше катнашыр дип көтелә.

-Бүген Саба районының Урман хуҗалыгы бистәсе урта мәктәбендә РСФСРның һәм ТАССРнын атказанган урманчысы Нургали Миңнеханов истәлегенә багышлап шахмат буенча районара турнир дәвам итә.

Нашли опечатку? Выделите фрагмент и отправьте нажатием Ctrl+Enter