Яңалыклар (21.03.24)

Иртәнге чыгарылыш.   

Татарстанда фән-технология үсеше елында берничә яңа конкурс оештырыла. Алар иң яхшы фәнни хезмәткәрләрне, педагогларны һәм яшь галимнәрне бүләкләүне дә күздә тота. Бу турыда Татарстан Фәннәр Академиясе Президенты Рифкат Миңнеханов Дәүләт Советының мәгариф, мәдәният, фән һәм милли мәсьәләләр буенча комитетының күчмә утырышында әйтте.

Татарстан бизнес-омбудсмены Фәрит Габделганиев гаилә бизнесы төшенчәсен законлаштырырга чакырды. Республика Рәисенең Вәкаләтле вәкиле бу хакта Дәүләт Советының икьтисад, инвестиөияләр һәм эшмәкәрлек Комитеты утырышында белдерде.

Бүген, 21 мартта көн белән төн тигезләшә. Бу көнне төрки һәм фарсы телле халыкларның бик борынгыдан килгән Нәүрүз бәйрәме билгеләп үтелә.

Көндезге чыгарылыш     

— Россия Федерациясе Президенты Владимир Путин төрле хәлләргә әзер, үз карарларын ныклы ышаныч белән кабул итә — Россиягә мондый ышаныч кирәк. Россия Президентын сайлауларда дәүләтнең хәзерге җитәкчесенең җиңүенә аңлатма биреп, Татарстанның Дәүләт киңәшчесе Минтимер Шәймиев  массакүләм мәгьлүмат чараларына шулай дип белдерде.

-Cпортның иң популяр төрләренең берсе карамастан, волейбол уены Казанда узган «Киләчәк уеннары»ндагы дисциплиналар арасына кертелмәгән иде. Татарстан Волейбол федерациясе президиумының киңәйтелгән утырышында оешма президенты, республиканың Дәүләт Советы Рәисе Фәрит Мөхәммәтшин бу хәлне төзәтү өчен йөкләмә бирде.

— Бүген, 21 мартта көн белән төн тигезләште. Бу көнне төрки һәм фарсы телле халыкларның бик борынгыдан килгән Нәүрүз бәйрәме билгеләп үтелә.

Кичке чыгарылышлар

-Россия Федерациясе һәм Берләшкән Гарәп Әмирлекләре Президентлары Владимир Путин белән Мөхәммәд Аль Нахайян телефон аша сөйләшкән. Мөхәммәд Бен Заид Әл Нахайян Владимир Путинны президент сайлавында җиңүе белән котлаган, аңа киләчәктә югары дәүләт вазифасында уңышлар теләгән.

— Бүген, 21 мартта көн белән төн тигезләште. Бу көнне төрки һәм фарсы телле халыкларның бик борынгыдан килгән Нәүрүз бәйрәме билгеләп үтелә.

-Татарстан Рәисенең ярдәмчесе, «Беренчеләр хәрәкәте» төбәк бүлеге җитәкчесе Тимур Сөләйманов белән онлайн-эфир оештырыла. Трансляция вакытында спикер тамашачыларга балаларны һәм яшүсмерләрне республика тормышына ничек җәлеп итүләре, шулай ук 2024 елга «Беренчеләр хәрәкәте»нең планнары турында сөйләячәк.

—  Россия Федерациясе Президентын сайлау йомгаклары буенча ил Президенты Владимир Путин сайлаучыларга мөрәҗәгать белән чыкты.

— Россия Үзәк сайлау комиссиясенең махсус утырышында ил Президентын сайлауларның рәсми йомгаклары игьлан ителде. Илнең гамәлдәге Президенты Владимир Путин сайлаучыларның 87,28 процент тавышын җыеп, җиңеп чыкты. Аны хуплап 76 миллион 278 меңгә якын кеше тавыш биргән.

— Татарстан белгечләре Лисичанский шәһәрендә суүткәргечләрне төзекләндерүдә булышуларын дәвам итәләр. Бер айда республикабызның  авария бригадалары суүткәргечләрдәге 22 төзексезлекне бетергән.

Нашли опечатку? Выделите фрагмент и отправьте нажатием Ctrl+Enter