Яңалыклар (07.03.24)

Иртәнге чыгарылыш

-Татарстанда Россия Федерациясе Оборона министрлыгы белән контракт төзегән гражданнар өстәмә акчалата түләү алачак. Татарстан Республикасыннан өстәмә түләүләр кертү турында карар кабул ителде.

-Татарстанда татар телен читтән торып өйрәнү буенча «Ана теле» мәгълүмати белем бирү системасын булдыруга һәм техник яктан җиһазландыруга 123 миллион сумнан артык акча бүлеп биреләчәк.

— Татарстан кинематографиясенең 100 еллыгы уңаеннан «Татаркино» оешмасы тармак ветераннарын Габдулла Тукай исемендәге Татар дәүләт филармониясе залына җыя. Юбилей уңаеннан чаралар ел дәвамында бара, юбилей тантанасы 13 мартка билгеләнгән.

Көндезге чыгарылыш

-Бүген Сочи шәһәрендә Бөтендөнья яшьләр һәм студентлар фестивален ябу тантанасы була. Анда Татарстан Рәисе Рөстәм Миңнеханов катнаша.

-Казандагы “Сәйдәш” мәдәният үзәгендә “Ел хатын-кызы” шәһәр конкурсында җиңүчеләрне хөрмәтләделәр. 10 номинациядә җиңүчеләр арасында эшмәкәрләр, укытучылар, табиблар, галимнәр, Россия Геройлары аналары бар.

-Татарстан Милли музеенда «Алар беренчеләр иде» дигән күргәзмә ачылды. Проект беренче космонавт, СССР Герое Юрий Гагаринның 90 еллыгына багышлана.

Кичке чыгарылышлар

Татарстанда «Ата-ана батырлыгы» һәм «Ана даны» медальләре белән бүләкләнүчеләргә бер тапкыр бирелә торган түләү күләме артты. Татарстан Рәисе Рөстәм Миңнеханов  oлеге үзгәрешләр турындагы указны имзалады.

Казандагы “Сәйдәш” мәдәният үзәгендә “Ел хатын-кызы” шәһәр конкурсында җиңүчеләрне хөрмәтләделәр. 10 номинациядә җиңүчеләр арасында эшмәкәрләр, укытучылар, табиблар, галимнәр, Россия Геройлары аналары бар.

Мәскәүдә Кәрим Тинчурин исемендәге Татар дәүләт драма һәм комедия театрының гастрольләре башланды. Тамашачыларга беренче булып «Яратам. Бетте-китте» комедиясе премьерасы күрсәтелде.

Татарстанда «Ата-ана батырлыгы» һәм «Ана даны» медальләре белән бүләкләнүчеләргә бер тапкыр бирелә торган түләү күләме артты. Татарстан Рәисе Рөстәм Миңнеханов  oлеге үзгәрешләр турындагы указны имзалады.

Чаллыдан махсус хәрби операция зонасына һәм Лисичанск шәһәренә чираттагы гуманитар йөк озатылды. Ике йөк машинасына 18 тоннадан артык йөк: гигиена әйберләре. биноколь, хуҗалык товарлары, медикаментлар, озак саклана торган ашамлыклар төялгән.

Татарстан Милли музеенда «Алар беренчеләр иде» дигән күргәзмә ачылды. Проект беренче космонавт, СССР Герое Юрий Гагаринның 90 еллыгына багышлана.

Нашли опечатку? Выделите фрагмент и отправьте нажатием Ctrl+Enter