Яңалыклар (15.02.24)

Иртәнге чыгарылыш

-Татарстан Республикасы Рәисе Рөстәм Миңнеханов Иран Ислам Республикасы Президенты Ибраһим Рәиси белән очрашты. Очрашу Тәһранның Ибраһим Рәиси резиденциясендә узды.

Иран Президенты Ибраһим Рәиси сәламләү сүзендә Иранның Россия төбәкләре, аерым алганда, Татарстан белән хезмәттәшлекне үстерүгә зур кызыксынуын билгеләп үтте. Ул «Россия — Ислам дөньясы» стратегик караш төркеменең бу хезмәттәшлегенә керткән мөһим өлешен аеруча ассызыклады.

-Бу көннәрдә Татарстан Республикасы Рәисе Рөстәм Миңнеханов эш сәфәре белән Иран Ислам Республикасында.
-Бүген Алтынчы чакырылыш Дәүләт Советының илле беренче утырышы була – бу язгы сессиядә беренче утырыш узачак.
-15 февральдә Ватаннан читтә хезмәт бурычын үтәгән россиялеләрне искә алу көне билгеләп үтелә.

   Көндезге чыгарылыш

Бүген Татарстан Үзәк сайлау комиссиясе Россия Президентына теркәлгән кандидатларга һәм сәяси партияләргә дәүләт теле – радио каналларында сайлау алды агитациясен үткәрү өчен бушлай һәм түләүле эфир вакытын бирүгә җирәбә уздыра. 17 февральдән агитация башлана.

Татарстан Рәисе Рөстәм Миңнехановның Иран Ислам Республикасына эш сәфәре дәвам итә. Ул Исфахан провинциясе губернаторы Реза Мортазави белән очраша. Провинциянең сәүдә-сәнәгать палатасында “Исфахан- Татарстан” төбәкара эшмәкәрлек форумы уза.

Бу минутларда алтынчы чакырылыш Татарстан Дәүләт Советының 51 утырышы дәвам итә. Утырыштан әзерләнгән тулырак репортажны сезнең игьтибарга 15 сәгать 10 минутта һәм 18 сәгать 10 минутта тәкьдим итәрбез.

Нашли опечатку? Выделите фрагмент и отправьте нажатием Ctrl+Enter