Яңалыклар (6.02.24)

Иртәнге чыгарылыш

-Татарстан Рәисе Рөстәм Миңнеханов Казанда Татпотребсоюзның яңа макарон фабрикасында булды.

-Татарстанда 2024 елның гыйнвар аенда ташламалы ипотекага гаризалар саны арткан.
-Күренекле шагыйрә, драматург, публицист Гөлшат Зәйнашеваның якты истәлегенә багышлап “Кояш гомере” дип исемләнгән кичә үткәрелә.

Көндезге чыгарылыш

Табигатьтән файдалану өлкәсендә күзәтчелек буенча федераль хезмәтнең Идел-Чулман төбәкара идарәсенең киңәйтелгән киңәшмәсе булды. Чаллы ИТ-паркы мәйданында узган киңәшмәдә Татарстан Рәисе Рөстәм Миңнеханов, табигатьтән файдалану өлкәсендә күзәтчелек буенча федераль хезмәт җитәкчесе Светлана Радионова катнашты.

9, 10 һәм 11 февральдә Галиәсгар Камал исемендәге Татар Дәүләт Академия театрында  татар драматургиясе классигы Туфан Миңнуллинның «Дуслар җыелган җирдә» драмасы буенча премьера була.

10 мартта, кояш баеганнан соң, Рамазан-шәриф ае башлана. Татарстан Диния нәзарәтенең Голәмәләр шурасы һәм Казыйлар шурасы тарафыннан фитр сәдакасы, фидия һәм нисаб күләме билгеләнде.

Кичке чыгарылышлар

Татарстанда «Экология» илкүләм проектын гамәлгә ашыра башлаганнан бирле, 30 зур чара үткәрелгән. Бу хакта республика Рәисе Рөстәм Миңнеханов телеграмм каналында  язган.

Алтынчы чакырылыш Татарстан Дәүләт Советының 51 утырышы 15 февральдә була. Шулай итеп, язгы сессия башлана. Парламент Президиумы утырышында шундый карарга киленде.

Татарстанда Гаилә елына багышланган турыдан-туры эфирда аралашулар башлана. 7 февральдә республикада яшәүчеләрнең сорауларына Татарстан премьер-министры урынбасары Ләйлә Фазлыева җавап бирәчәк.

-Алтынчы чакырылыш Татарстан Дәүләт Советының 51 утырышы 15 февральдә була. Шулай итеп, язгы сессия башлана. Парламент Президиумы утырышында шундый карарга киленде.

-Татарстан Министрлар Кабинетында  “Фән һәм университет” илкүләм поектын гамәлгә ашыру һәм Татарстанда фәнни-технологик үсеш елын үткәрүгә багышланган киңәшмә узды.

-Татарстанда Гаилә елына багышланган турыдан-туры эфирда аралашулар башлана. 7 февральдә республикада яшәүчеләрнең сорауларына Татарстан премьер-министры урынбасары Ләйлә Фазлыева җавап бирәчәк.

Нашли опечатку? Выделите фрагмент и отправьте нажатием Ctrl+Enter