Яңалыклар (25.01.24)

Иртәнге чыгарылыш.   

-Казанда, Татарстан Республикасы Рәисе Рөстәм Миңнеханов катнашында, Татарстан Сәламәтлек саклау министрлыгының киң вәкиллекле йомгаклау утырышы булды.

-Татарстан Республикасы Рәисе Рөстәм Миңнеханов республиканың медицина учреждениеләренә яңа автомобильләр тапшыру тантанасында катнашты.

-”Чулпан” мәдәни үзәгендә виртуоз баянчы, җырчы, композитор, Татарстанның халык артисты Рамил Курамшинның истәлегенә багышланган музыка кичәсе була.

Көндезге чыгарылыш      

Гаилә — күп милләтле дәүләтебезнең нигезе, ышанычлы тыл һәм кеше өчен таяныч. Бу хакта Татарстан Рәисе Рөстәм Миңнеханов республикада Гаилә елын ачуга багышланган тантанада белдерде.

Татарстан Рәисе Рөстәм Миңнеханов республика югары һәм махсус урта уку йортларында белем алучыларны студентлар көне белән котлады. Бу хакта республика Рәисе үз телеграмм каналында язган.

Күренекле баянчы, җырлар һәм инструменталь әсәрләр авторы, Татарстанның халык артисты Рамил Курамшинның арабыздан китүенә бер елдан артык вакыт узды. Бүген башкалабызның “Чулпан” мәдәни үзәгендә Рамил Курамшин истәлегенә багышланган искә алу кичәсе була.

Кичке чыгарылышлар

Гаилә — күп милләтле дәүләтебезнең нигезе, ышанычлы тыл һәм кеше өчен таяныч. Бу хакта Татарстан Рәисе Рөстәм Миңнеханов республикада Гаилә елын ачуга багышланган тантанада белдерде.

Татарстан Рәисе Рөстәм Миңнеханов республика югары һәм махсус урта уку йортларында белем алучыларны студентлар көне белән котлады. Бу хакта республика Рәисе үз телеграмм каналында язган.

Күренекле баянчы, җырлар һәм инструменталь әсәрләр авторы, Татарстанның халык артисты Рамил Курамшинның арабыздан китүенә бер елдан артык вакыт узды. Бүген башкалабызның “Чулпан” мәдәни үзәгендә Рамил Курамшин истәлегенә багышланган искә алу кичәсе була.

Эчке эшләр органнары хезмәткәрләренең һөнәри осталыгы, үз эшләрен намус белән башкарулары нәтиҗәсендә, соңгы елларда Татарстанда җинаятьләр буенча тотрыклы хәл саклана. Бу хакта Татарстан Рәисе Рөстәм Миңнеханов эчке эшләр министрлыгының киңәйтелгән коллегия утырышында белдерде.

Татарстан Премьер-министры Алексей Песошин хөкүмәт йортында монополиягә каршы Федераль хезмәт җитәкчесе урынбасары Виталий Королев белән очрашты. Тариф сәясәте, төрле тармакларда монополиягә каршы тарифларны көйләүне камилләштерү мәсьәләләре буенча фикер алыштылар.

Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыевның Төньяк Кавказ Федераль округына сәфәре дәвам итә. Ул Кабарда-Балкар Республикасына килде.

Нашли опечатку? Выделите фрагмент и отправьте нажатием Ctrl+Enter