Яңалыклар (24.01.24)

Иртәнге чыгарылыш

-Россия Президенты Владимир Путин күп балалы гаиләләрнең бердәм статусын федераль дәрәҗәдә ныгытучы һәм аларга ярдәм чараларын билгеләүче указга кул куйды.
— Татарстан Рәисе Рөстәм Миңнеханов ТР Җир һәм мөлкәт мөнәсәбәтләре министрлыгының йомгаклау коллегиясенең киң вәкиллекле утырышында катнашты.
-«Фән һәм университетлар» илкүләм проекты аша Татарстанда яшь галимнәргә ярдәм булдырылды. Бу хакта Татарстан Рәисе Рөстәм Миңнеханов үз телеграм-каналында белдергән.

Татарстан Рәисе Рөстәм Миңнеханов Мәскәүдә “Сибур” холдингы генераль директоры, холдинг Советы рәисе Михаил Карисалов белән очрашты. Татарстан хөкүмәте белән “Сибур” холдингы арасында хезмәттәшлек турында килешүне үтәү, шулай ук холдинг составына кергән Түбән Кама “Нефтехим” һәм “Казан органик синтез” предприятиеләрен киләчәктә үстерү мәсьәләләре тикшерелде.

Татарстан Халыклар дуслыгы йортында узган түгәрәк өстәл утырышында республикада миграция сәясәтен гамәлгә ашыру мәсьәләләре турында фикер алыштылар. Утырышны Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин үткәрде.

2023 елда Татарстанда 34 күп балалы гаилә дәүләттән бушлай 52 фатир алды.

Кичке чыгарылышлар

Татарстан Рәисе Рөстәм Миңнеханов “Казань-Экспо” күргәзмәләр үзәгендә республиканың медицина учреждениеләренә 24 яңа автомобиль тапшыру тантанасында катнашты.

Татарстан Рәисе Рөстәм Миңнеханов Казанда яңа ачылган “Нуриевлар клиникасы” медицина үзәгендә булды. Академик Лаврентьев урамындагы үзәкне төзүгә 237 миллион сум акча тотылган.

Татарстан премьер-министры Алексей Песошин янгыннан коткару спорты буенча хөкүмәт җитәкчесе Кубогына 19 нчы Бөтенроссия ярышларын ачуда катнашты. Шәхси беренчелектә һәм командалар турнирында җиңүчеләр ачыкланачак.

-Казанда, Татарстан Республикасы Рәисе Рөстәм Миңнеханов катнашында, Татарстан Сәламәтлек саклау министрлыгының киң вәкиллекле йомгаклау утырышы булды.
-Татарстан Республикасы Рәисе Рөстәм Миңнеханов республиканың медицина учреждениеләренә яңа автомобильләр тапшыру тантанасында катнашты.
-”Чулпан” мәдәни үзәгендә виртуоз баянчы, җырчы, композитор, Татарстанның халык артисты Рамил Курамшинның истәлегенә багышланган музыка кичәсе була.

Нашли опечатку? Выделите фрагмент и отправьте нажатием Ctrl+Enter