Яңалыклар (23.01.24)

  Иртәнге чыгарылыш.   

«Казань Экспо» күргәзмәләр үзәгендә республика төзелеш, архитектура һәм торак-коммуналь хуҗалык министрлыгының киңәйтелгән коллегия утырышы булды. Утырышта республика Рәисе Рөстәм Миңнеханов, Росия төзелеше һәм торак-коммуналь хуҗалык министры Ирек Фәйзуллин катнашты.

Татарстан Рәисе Рөстәм Миңнеханов Казан дәүләт архитектура-төзелеш университеты базасында ачылган ике яңа фәнни-мәгариф үзәкләре эше белән танышты.

2024 ел – Россиядә Гаилә елы уңаеннан Татарстан Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе «Казан утлары» журналы редакциясе белән берлектә, каләм ияләре һәм мәктәп укучылары арасында «Оясында ни күрсә…» дигән әдәби бәйге игълан итте.

Көндезге чыгарылыш

Татарстан Рәисе Рөстәм Миңнеханов хөкүмәт йортында Калмыкия Республикасы җитәкчесе Бату Хасиков белән очрашты. Төбәкара хезмәттәшлекне үстерү мәсьәләләре буенча фикер алыштылар.

“Татарстан, Россия Федерациясенең барлык төбәкләре кебек үк, махсус хәрби операциядә катнашучыларга, аларның гаиләләренә, балаларына ярдәм итүдә актив катнаша”. Бу хакта «Бердәм Россия» партиясенең Татарстан төбәк бүлеге секретаре, Татарстан Дәүләт Советы Рәисе Фәрит Мөхәммәтшин белдерде.

Республика районнары буйлап «Татарстан — казанышлар республикасы» автобус марафоны дәвам итә. Кама арьягы зонасында марафонда катнашучылар беренче булып Нурлат районына килде

    Кичке чыгарылышлар

Татарстан Рәисе Рөстәм Миңнеханов дәүләт  җирен һәм милкен арендага алган өчен бурычларны катгый контрольгә алырга күрсәтмә бирде. Бу хакта ул республика җир һәм мөлкәт мөнәсәбәтләре министрлыгы коллегиясе утырышында белдерде.

Бүген Мәскәүдә “Россия” күргәзмә-форумында Муром шәһәре Изге Троицк монастыреннан китерелгән гаилә утын кабызу тантанасы була. Шулай итеп, илдә гаилә елына рәсми старт биреләчәк.

Узган атнада республикада янгыннарда алты кешенең гомере өзелгән, тагын җиде кешенең төрле дәрәҗәләрдә тәне пешкән. Янгын сүндерүчеләргә янгыннар турында 55  урыннан ашыгыч хәбәр алынган.

-Россия Президенты Владимир Путин күп балалы гаиләләрнең бердәм статусын федераль дәрәҗәдә ныгытучы һәм аларга ярдәм чараларын билгеләүче указга кул куйды.

-Татарстан Рәисе Рөстәм Миңнеханов ТР Җир һәм мөлкәт мөнәсәбәтләре министрлыгының йомгаклау коллегиясенең киң вәкиллекле утырышында катнашты.

-«Фән һәм университетлар» илкүләм проекты аша Татарстанда яшь галимнәргә ярдәм булдырылды. Бу хакта Татарстан Рәисе Рөстәм Миңнеханов үз телеграм-каналында белдергән.

Нашли опечатку? Выделите фрагмент и отправьте нажатием Ctrl+Enter