Яңалыклар (18.01.24)

Иртәнге чыгарылыш.

Россия Президенты Владимир Путин махсус хәрби операциядә һәлак булучыларның хатыннарына ярдәм күрсәтү чаралары турында тәкъдимнәр әзерләргә кушты.
“Росгвардия”нең республика төбәк бүлегенең 2023 елгы эшенә йомгак ясалды, быелга бурычлар билгеләнде. Анда Татарстан Премьер-министры Алексей Песошин катнашты.
Казан Кремле» музей-тыюлыгында сирәк экспонат – XIX гасыргы изге Коръән китабы барлыкка килде. Ул Татарстан башкаласында 1803 елда басылган.

Көндезге чыгарылыш.

Татарстан Рәисе Рөстәм Миңнеханов  Россия Президентына кандидат Владимир Путинның төбәк сайлау штабы ышанычлы затлары һәм инициатив төркеме әгъзалары белән  очрашты. Анда Татарстан Дәүләт Киңәшчесе Минтимер Шәймиев катнашты, ул Владимир Владимировичның ышанычлы кешесе буларак, республикада әлеге эшне алып барачагын белдерде.

Бу минутларда Казанда Федераль “Роспотребнадзор” оешмасының Татарстандагы идарәсенең еллык киңәйтелгән коллегия утырышы дәвам итә.

Дәүләт Советына республиканың балалар оешмалары советы активистлары, Казанның адаптив спорт төрләренең инклюзив проектында катнашучылар килде. Мәктәп укучылары һәм педагоглар белән Дәүләт Советы Секретаре Лилия Маврина очрашты.

Кичке чыгарылышлар.

Республика югары уку йортларының активлыгы нәтиҗәсендә 2023 елда Татарстан ил төбәкләренең фәнни-технологик үсеш рейтингында икенче урынга күтәрелде. Бу хакта Татарстан Рәисе Рөстәм Миңнеханов “Планетаның сыек углеводород запасларын нәтиҗәле үзләштерү” Фәнни үзәгеең Халыкара күзәтүчеләр Советы утырышында белдерде.

Татарстан Рәисе Рөстәм Миңнеханов хөкүмәт йортында җәзаларны үтәтү Федераль хезмәте директоры урынбасары Рөстәм Степаненко белән очрашты.

Казанда Федераль “Роспотребнадзор” оешмасының Татарстандагы идарәсенең еллык киңәйтелгән коллегия утырышы узды. Анда идарәнең 2023 елдагы эш йомгаклары, быелгы бурычлар, башка министрлыклар, ведомстволар, оешмалар белән хезмәттәшлек мәсьәләләре каралды.

Республика югары уку йортларының активлыгы нәтиҗәсендә 2023 елда Татарстан ил төбәкләренең фәнни-технологик үсеш рейтингында икенче урынга күтәрелде. Бу хакта Татарстан Рәисе Рөстәм Миңнеханов “Планетаның сыек углеводород запасларын нәтиҗәле үзләштерү” Фәнни үзәгеең Халыкара күзәтүчеләр Советы утырышында белдерде.

Татарстан Рәисе Рөстәм Миңнеханов хөкүмәт йортында җәзаларны үтәтү Федераль хезмәте директоры урынбасары Рөстәм Степаненко белән очрашты.

Казанда Федераль “Роспотребнадзор” оешмасының Татарстандагы идарәсенең еллык киңәйтелгән коллегия утырышы узды. Анда идарәнең 2023 елдагы эш йомгаклары, быелгы бурычлар, башка министрлыклар, ведомстволар, оешмалар белән хезмәттәшлек мәсьәләләре каралды.

Нашли опечатку? Выделите фрагмент и отправьте нажатием Ctrl+Enter