Яңалыклар (17.01.24)

Иртәнге чыгарылыш.

Татарстан Рәисе Рөстәм Миңнеханов Мәскәүдә Россия Хөкүмәте рәисе урынбасары Марат Хөснуллин белән очрашты. Очрашуда “Торак һәм шәһәр мохите”, “Куркынычсыз сыйфатлы юллар” илкүләм проектларын үтәү, шулай ук төбәкне киләчәктә үстерү буенча уртак эш планы тикшерелде.
Татарстан Дәүләт Советы Рәисе Фәрит Мөхәммәтшин быелның март аенда булачак ил президентын сайлауларда үз кандидатурасын күрсәткән гамәлдәге ил җитәкчесе Владимир Путинның кандидатурасын яклап, имзасын куйды.
“Татарстан Республикасының яңартылган электрон мәгариф” системасына 155 меңнән артык ата-ана теркәлгән инде һәм әлеге эш дәвам итә. Бу хакта Министрлар Кабинетында узган брифингта мәгариф һәм фән министры Илсур Һадиуллин белдерде.

Көндезге чыгарылыш.

Татарстанның уңышлары бәхәссез, ә «КамАЗ» – Россия автомобиль төзелеше лидеры. Бу хакта Россия Президенты Владимир Путин «Кече Ватан – Россия көче» Бөтенроссия муниципаль форумында белдерде.

Татарстан Рәисе Рөстәм Миңнеханов Цифрлы үсешкә ярдәм итү ассоциациясе утырышында катнашты. Әлеге чара Казанда «Татэнергосбыт» акционерлык җәмгыятендә узды.

“КамАЗ” акционерлык җәмгыятендә эшләүче Гайфуллиннар, Сафиннарның заводтагы гомуми хезмәт стажы 280 елга якын. Алар илдә Гаилә елын ачуга багышланган Бөтенросссия гаилә форумында Татарстанны тәкъдим итәчәк.

Кичке чыгарылышлар.

Кар, буран чыгу сәбәпле, республика юлларында авыр хәл килеп туган. “Автодор” дәүләт компаниясеннән хәбәр итүләренчә, М-12, М-5 автомобиль юлларында хәрәкәт туктатылган.

“Росгвардия”нең республика төбәк бүлегенең 2023 елгы эшенә йомгак ясалды, быелга бурычлар билгеләнде. Утырышта Татарстан Премьер-министры Алексей Песошин, Россия милли гвардиясенең Идел буе оокругы командующие урынбасары Павел Дегтярев, Татарстанның баш федераль инспекторы Виктор Демидов катнашты.

Дәүләт Советы Рәисе Фәрит Мөхәммәтшин Раил Шәмсетдиновка республика парламенты депутаты таныклыгын һәм билгесен тапшырды.

Россия Президенты Владимир Путин махсус хәрби операциядә һәлак булучыларның хатыннарына ярдәм күрсәтү чаралары турында тәкъдимнәр әзерләргә кушты.

“Росгвардия”нең республика төбәк бүлегенең 2023 елгы эшенә йомгак ясалды, быелга бурычлар билгеләнде. Анда Татарстан Премьер-министры Алексей Песошин катнашты.

Карлы, буранлы һава шартларында юл хәрәкәте иминлеген тәэмин итү өчен М5 һәм М12 автомобиль трассаларында транспорт чараларының барлык төрләре өчен хәрәкәт вакытлыча чикләнде.

Нашли опечатку? Выделите фрагмент и отправьте нажатием Ctrl+Enter