Яңалыклар (12.01.24)

Иртәнге чыгарылыш.    

Татарстан Рәисе Рөстәм Миңнеханов БРИКС илләре уеннарын әзерләү һәм үткәрү буенча республика оештыру комитетын төзү турында указны имзалады.

«Бердәм Россия» партиясенең төбәк бүлекчәсендә узган селектор киңәшмәсе булды.

«Теләкләр чыршысы» акциясе 30 нчы гыйнварга кадәр озайтылды.

Көндезге чыгарылыш.     

Бүген Россия Прокуратура органнары хезмәткәрләре көне. Шул уңайдан Татарстан премьер-министры Алексей Песошин прокуратура хезмәткәрләрен һәм ветеранннарны котлады.

Быел Татарстанда “Мәдәният” илкүләм проектын гамәлгә ашыру дәвам итәчәк. “Мәдәни мохит”, “Иҗат кешеләре” һәм “Цифрлы мәдәният” проектлары буенча юнәлешләр билгеләнгән.

Республикабыз мәктәпләре “Татарстан Республикасы электрон мәгарифе”нең яңартылган мәгълүмат системасына күчте. 100 меңнән артык ата-ана яңа системага кергән инде.

Кичке чыгарылышлар.  

Татарстан Рәисе Рөстәм Миңнеханов Казанда яшәүчеләрне чаңгыда узышу буенча Россия кубогының 5 этабы ярышларын карарга чакырды. Узышлар 15 гыйнварга кадәр дәвам итә.

«Ватанны саклаучылар» фондының Татарстандагы филиалы махсус хәрби операциядә катнашкан  2 мең 500дән артык кешене индивидуаль күзәтүгә алган. Хезмәт, мәшгульлек һәм социаль яклау министрлыгы коллегиясе утырышында фонд филиалы җитәкчесе Гүзәл Удачина шушы санны китерде.

Казанда гомумбелем фәннәре буенча 2023 елгы Халыкара олимпиадаларда җиңгән укучыларга һәм аларны әзерләгән укытучыларга шәһәр мэры премияләре биреләчәк.

Татарстан Рәисе Рөстәм Миңнеханов бүген хөкүмәт йортында Россия Федерациясенең спорт министры Олег Матыцин белән очрашты. Спортның үсеше, шулай ук Казанда “Киләчәк уеннары” Халыкара уенарына әзерлек һәм аны үткәрү мәсьәләләре тикшерелде.

Татарстан Рәисе Рөстәм Миңнеханов Казанда яшәүчеләрне чаңгыда узышу буенча Россия кубогының 5 этабы ярышларын карарга чакырды. Узышлар 15 гыйнварга кадәр дәвам итә.

«Ватанны саклаучылар» фондының Татарстандагы филиалы махсус хәрби операциядә катнашкан  2 мең 500дән артык кешене индивидуаль күзәтүгә алган. Хезмәт, мәшгульлек һәм социаль яклау министрлыгы коллегиясе утырышында фонд филиалы җитәкчесе Гүзәл Удачина шушы санны китерде

Нашли опечатку? Выделите фрагмент и отправьте нажатием Ctrl+Enter