Яңалыклар (11.01.24)

Иртәнге чыгарылыш.

2024 елда Россиядә илкүләм проектларны гамәлгә ашыруга 3 триллион сумнан артык акча каралган.
Татарстан халкына уңайлы булсын өчен «Махсус хәрби операциядә катнашучылар һәм аларның гаиләләренә социаль-хезмәт гарантияләре һәм ярдәм чаралары турында» белешмәлек чыгарылган.
Гыйнвар аенда ТР башкаласында өч вакансия ярминкәсе һәм бер эш бирүче көне узачак.

Көндезге чыгарылыш.

Алексеевск районының Биләр авылында Россия Герое Рәсим Баксиков хөрмәтенә мактау тактасы ачылды. Ул каһарман яшүсмер чагында шөгыльләнгән «Юнармеец» яшүсмерләр клубы бинасы диварына урнаштырылган.

20 гыйнварда Чаллыдан Лисичанкига тагын гуманитар ярдәм машинасы китәчәк. Узган ел Чаллыдан Донецк Халыклар Республикасына 700 тоннадан артык гуманитар ярдәм озатылган иде.

Татарстан мәктәпләре яңартылган  «Татарстан Республикасы электрон мәгарифе»  мәгълүмат системасына күчте. Заманча Цифрлаштырылган платформага керүдә кыенлыклар туган очракта, техник ярдәм хезмәтенә мөрәҗәгать итәргә мөмкин.

Кичке чыгарылышлар.

Татарстан Рәисе Рөстәм Миңнеханов БРИКС илләре уеннарын әзерләү һәм үткәрү буенча республика оештыру комитетын төзү турындагы Указны имзалады. Аның җитәкчесе итеп Татарстан Рәисе үзе билгеләнде.

Зәй шикәр заводы узган елгы уңыштан шикәр кайнату сезонын төгәлләде. Заводта 725 меңнән артык тонна шикәр чөгендере эшкәртелгән.

Татарстан мәктәпләре яңартылган  «Татарстан Республикасы электрон мәгарифе»  мәгълүмат системасына күчте. Заманча Цифрлаштырылган платформага керүдә кыенлыклар туган очракта, техник ярдәм хезмәтенә мөрәҗәгать итәргә мөмкин.

Татарстан Рәисе Рөстәм Миңнеханов БРИКС илләре уеннарын әзерләү һәм үткәрү буенча республика оештыру комитетын төзү турында указны имзалады.

«Бердәм Россия» партиясенең төбәк бүлекчәсендә узган селектор киңәшмәсе булды.

Бүген, 11нче гыйнварда, кояш баю белән мөселман календаре өч мөбарәк көн белән ямьләнәчәк – берьюлы изге җомга да җитә, Раҗәб ае да башлана һәм Рәгаиб кичәсе дә керә.

Нашли опечатку? Выделите фрагмент и отправьте нажатием Ctrl+Enter