Яңалыклар (10.01.24)

Иртәнге чыгарылыш.

Татарстанда март аенда булачак Россия президентын сайлауларда гамәлдәге президент Владимир Путинның кандидатурасын яклап, имзалар җыю дәвам итә. Имзалар җыю пунктлары Казан, Чаллы, Түбән Кама, Әлмәт һәм Яшел Үзән шәһәрләренең зур сәүдә үзәкләрендә эшли.

Республика районнарында фельдшер-акушерлык пунктларын төзү дәвам итә. Ул “Бердәм Россия” партиясенең халык программасы нигезендә, “Сәламәтлек саклау” илкүләм проекты буенча гамәлгә ашырыла.

Бүген Казанда метрода йөрү бәяләре үзгәрә. Татарстан Министрлар Кабинетының 2023 елның 29 декабрь карары нигезендә, метрода акча түләп бер тапкыр бару 42 сумга, банк картасы һәм транспорт картасы белән түләгәндә 38 сумга төшә.

Көндезге чыгарылыш.     

Татарстанда март аенда булачак Россия президентын сайлауларда гамәлдәге президент Владимир Путинның кандидатурасын яклап, имзалар җыю дәвам итә. Имзалар җыю пунктлары Казан, Чаллы, Түбән Кама, Әлмәт һәм Яшел Үзән шәһәрләренең зур сәүдә үзәкләрендә эшли.

Татарстан Рәисе Рөстәм Миңнеханов Казандагы яңа төзелешләрне карады.

Бүген Казанда метрода йөрү бәяләре үзгәрде. Татарстан Министрлар Кабинетының 2023 елның 29 декабрь карары нигезендә, метрода акча түләп бер тапкыр бару 42 сумга, банк картасы һәм транспорт картасы белән түләгәндә 38 сумга төшә.

Кичке чыгарылышлар.  

Россиядә бердәм колл-үзәк һәм Владимир Путинның сайлау штабының иҗтимагый кабул итү бүлмәсе эшли башлады. Россиядә яшәүчеләр Президентлыкка кандидатка үз тәкъдимнәрен җиткерә ала.

Казанның Киров һәм Мәскәү районнары буенча хәрби комиссариаттан махсус операциядә катнашучы Татарстан хәрбиләренә КамАЗ автомашинасы, шулай ук маскировка челтәрләре, җылы киемнәр, оекбаш, татлы Яңа ел бүләкләре озатылды.

1 гыйнвардан Татарстанның барлык мәктәпләре яңартылган электрон мәгариф системасына күчте. Махсус сайт, шулай ук аның берничә кушымтасы аша укучыларның дәрес расписаниесе, төрле фәннәрдән куелган билгеләр белән танышып барырга була.

2024 елда Россиядә илкүләм проектларны гамәлгә ашыруга 3 триллион сумнан артык акча каралган.
Журналистлар өчен Әлмирә Әдиятуллина премиясе гамәлгә куела.
29 — 31 гыйнварда «Казан Экспо» халыкара күргәзмә үзәге территориясендә «ТатАгроЭкспо» узачак.

Нашли опечатку? Выделите фрагмент и отправьте нажатием Ctrl+Enter