Яңалыклар (09.01.24)

Иртәнге чыгарылыш.

2024 елгы ил президентын сайлауларда гамәлдәге Россия Президенты Владимир Путин кандидатурасын яклап, Татарстанда җыелган имзалар Мәскәүгә китерелде.

Татарстанда яшәүчеләр март аенда Россия президентын булачак сайлауларда Владимир Путин кандидатурасын актив хуплыйлар. Бу хакта Россия Герое, танкист Рәсим Баксиков белдерде.

Буа дәүләт драма театрында «Буа Раштуа» фестивале узды. Театр коллективы берничә көндә шәһәр кунакларына яңа спектакль премьераларын күрсәтте.

Көндезге чыгарылыш.

2024 елгы ил президентын сайлауларда гамәлдәге Россия Президенты Владимир Путин кандидатурасын хуплау документларын Мәскәүдәге Үзәк сайлау штабына 58 төбәк, шул исәптән Татарстан да тапшырды.

“Автодор” дәүләт компаниясе М — 12 «Восток» автомобиль юлында яңа ягулык салу комплексларын төзүне тизләтергә вәгьдә итте. Федераль трассада барлыгы 32 күп функцияле зона булдырылачак.

Көннәрнең, бигрәк тә төнлә һәм иртәнге якта бик салкын булуы сәбәпле, Россия Гадәттән тыш хәлләр министрлыгының Татарстан буенча Баш идарәсе саклык чараларын күрергә өнди. Мондый һава торышы вакытында янгын иминлеге кагыйдәләрен үтәү бик мөһим.

Кичке чыгарылышлар.

2024 елгы ил президентын сайлауларда гамәлдәге Россия Президенты Владимир Путин кандидатурасын хуплау документларын Мәскәүдәге Үзәк сайлау штабына 58 төбәк, шул исәптән Татарстан да тапшырды.

“Автодор” дәүләт компаниясе М — 12 «Восток» автомобиль юлында яңа ягулык салу комплексларын төзүне тизләтергә вәгьдә итте. Федераль трассада барлыгы 32 күп функцияле зона булдырылачак.

Яңа ел бәйрәмнәре көннәрендә Татарстанның дәүләт мәдәният учреждениеләрендә 800 меңнән артык кеше катнашкан. Муниципаль берәмлекләрдә алты мең ярым чамасы, шул исәптән Казанда бер мең ярымнан артык төрле чара оештырылган.

Татарстанда март аенда булачак Россия президентын сайлауларда гамәлдәге президент Владимир Путинның кандидатурасын яклап, имзалар җыю дәвам итә. Имзалар җыю пунктлары Казан, Чаллы, Түбән Кама, Әлмәт һәм Яшел Үзән шәһәрләренең зур сәүдә үзәкләрендә эшли.

Республика районнарында фельдшер-акушерлык пунктларын төзү дәвам итә. Ул “Бердәм Россия” партиясенең халык программасы нигезендә, “Сәламәтлек саклау” илкүләм проекты буенча гамәлгә ашырыла.

Яңа ел бәйрәмнәре көннәрендә Татарстанның дәүләт мәдәният учреждениеләрендә 800 меңнән артык кеше катнашкан. Муниципаль берәмлекләрдә алты мең ярым чамасы, шул исәптән Казанда бер мең ярымнан артык төрле чара оештырылган.

Нашли опечатку? Выделите фрагмент и отправьте нажатием Ctrl+Enter