Яңалыклар (04.01.24)

Иртәнге чыгарылыш.

Татарстан Рәисе Рөстәм Миңнеханов бер тапкыр бирелә торган 305 мең сум күләмендәге түләүне озайту турында указны имзалады.
Казанда күренекле җәмәгать эшлеклесе, полиция генералы, Татарстан Республикасы буенча Эчке эшләр министрының 1993-2009 еллардагы урынбасары, дүртенче һәм бишенче чакырылыш Дәүләт Советы депутаты Рафил Ногманов белән хушлаштылар.
Татарстанда Россия Президентын сайлауны тәэмин итү өстендә бер үзәк сайлау комиссиясе, тагын 65 территориаль һәм 2727 участок комиссиясе эшләячәк.

Кичке чыгарылыш.

Россия Президенты Владимир Путин «Татмедиа» акционерлык җәмгыяте филиалы — «Идел-Пресс» полиграфия-нәшрият комплексы генераль директоры Әнәс Әскәровны II дәрәҗә «Ватан алдындагы казанышлар өчен» орден медале белән бүләкләде.

Март аенда Россия Президентын булачак сайлауларда бюллетеньнәрне махсус маркалар ярдәмендә сейф-пакетларда саклаячаклар. Бу хакта республика Үзәк сайлау комиссиясеннән хәбәр иттеләр.

Буа шәһәрендә яшәүче Бөек Ватан сугышы ветераны Рәүф Ибраһим улы Төхвәтуллинга 3 гыйнварда 104 яшь тулды. Буа районы башлыгы Ранис Камәртдинов  ветеранны гомер бәйрәме, яңа ел белән котлады, азык-төлек җыелмасы, истәлекле бүләк тапшырды.

Нашли опечатку? Выделите фрагмент и отправьте нажатием Ctrl+Enter