Яңа ел алды интервьюлары (31.12.23)

“Бәйрәм табыны”. Яңа ел алды интервьюлары.

Тиздән, бик тиздән дөньяга яңа ел канат җәячәк. Без яшәп узган 2023 ел үзенең борчулары, шөбһәләре, шатлык-сөенечләре белән тарихта кала. 

Бер елдан икенчесенә – яңасына күчеш мизгеле якынлаша. Һәм бу күчеш яхшыга, яктыга, бәхет-сәгадәт, иминлек чорына күчеш булса иде. Күңелдә бүген менә шундый өмет балкып тора.

Бу минутларда уңган хуҗабикәләр бәйрәм табыны хәстәрен күрәләрдер, өйләрдә, фатирларда хуш исле ылыc исе белән бергә, бәлеш, өчпочмак, төрле тәм-томнар, әфлисун исе дә таралгандыр. Бүген һәп йортта табыннар кунакларын көтә.

Менә без дә шушы бәйрәм алды сәгатьләрендә табын җыйдык һәм дусларыбызны кунакка чакырдык. Алар үтеп баручы ел дәвамында Татарстан радиосы белән иҗади хезмәттәшлектә яшәгән әдәбият-сәнгать, фән әһелләре. Ә табында – матур җырлар һәм Яңа ел теләкләре.

Нашли опечатку? Выделите фрагмент и отправьте нажатием Ctrl+Enter